شىعىس قازاقستان وبلىسىنداعى ءسوندىرۋ ءبولىمىنىڭ راديوتەلەفونيسى ايگەرىم راحاتوۆا كيكبوكسينگتەن وتكەن الەم چەمپيوناتىندا التىن مەدال جەڭىپ الدى, دەپ حابارلايدى Egemen.kz.
ايگەرىم راحاتوۆا ۇلان اۋدانىنداعى №10 ءورت ءسوندىرۋ بەكەتىنىڭ راديوتەلەفونيسى بولىپ جۇمىس ىستەيدى. ول تۇركيانىڭ انتاليا قالاسىندا 15-18 مامىر ارالىعىندا وتكەن دودادا ەل نامىسىن قورعادى.
«56 كەلىگە دەيىنگى سالماق دارەجەسىندە وتكەن تارتىستى جەكپە-جەكتە ايگەرىم راحاتوۆا التىن مەدال جەڭىپ الىپ, كيكبوكسينگتەن الەم چەمپيونى اتاندى. ول حالىقارالىق ارەنادا سپورت شەبەرلىگىنىڭ جوعارى دەڭگەيىن, فيزيكالىق دايىندىعىن, توزىمدىلىگى مەن ناعىز جاۋىنگەرلىك رۋحىن كورسەتتى», دەلىنگەن اقپاراتتا.
ايتا كەتەيىك, قازاق بوكسشىلارى ازيا دوداسىندا 7 التىن مەدال ەنشىلەدى.