پورتۋگاليالىق ايگىلى باپكەر جوزە موۋرينو مادريدتىك «رەال مادريد» كلۋبىمەن كەلىسىمشارتقا وتىرۋعا كەلىستى. بۇل تۋرالى ينسايدەر فابريتسيو رومانو جازدى, دەپ حابارلايدى Egemen.kz.
ءجۋرناليستىڭ مالىمەتىنشە, باپكەر كلۋبپەن ەكى جىلدىق كەلىسىمشارتقا قول قويادى. موۋرينونىڭ مادريدكە ورالۋى تۋرالى رەسمي حابارلاما اي سوڭىنا دەيىن جاريالانباق.
«بارلىق شارتتار اۋىزشا تۇردە كەلىسىلگەن», دەپ جازدى رومانو.
پورتۋگاليالىق مامان «رەالدى» 2010-2013 جىلدارى جاتتىقتىرعان. وسى كەزەڭدە ول كوماندامەن يسپانيا كۋبوگىن جەڭىپ الىپ, «بارسەلونانىڭ» يسپانيا چەمپيوناتىنداعى ءۇش جىلدىق ۇستەمدىگىن توقتاتتى.
«رەال» سوڭعى ەكى جىلدا ىشكى جانە ەۋروپالىق تۋرنيرلەردە بىردە-ءبىر تروفەي جەڭە الماعان. ال سوڭعى ۋاقىتتا كلۋب ويىنشىلارى اراسىندا داۋ-داماي كوبەيگەن.
ال موۋرينو «رەالدان» كەتكەننەن كەيىن «چەلسي» كلۋبىمەن انگليا چەمپيوناتىن, سونداي-اق «مانچەستەر يۋنايتەد» ساپىندا انگليا كۋبوگى مەن ەۋروپا ليگاسىن جەڭىپ العان. ەسكە سالا كەتەيىك, بۇعان دەيىن كورولدىك كلۋبتىڭ بۇرىنعى باپكەرى حابي الونسونىڭ لوندوندىق «چەلسي» كلۋبىنىڭ باپكەرى اتانعانىن جازعان بولاتىنبىز.