اتىراۋدا سۇلتان سارسەماليۆكە قاتىستى الدىن الا سوت وتىرىسى ءوتىپ جاتىر. سوت پروتسەسىندە ول القابيلەردىڭ قاتىسۋىمەن ءىستى قاراۋدان باس تارتتى, دەپ حابارلايدى Egemen.kz.
سوت بارىسىندا سۋديا زارەما حاميدۋللينا سارسەماليەۆكە قاتىستى بىرنەشە باپ بويىنشا ايىپ تاعىلعانىن حابارلادى. ولاردىڭ قاتارىندا كىسى ءولتىرۋ, ۇرلىق, قۇجاتتاردى زاڭسىز يەمدەنۋ جانە الاياقتىق باپتارى بار.
سونىمەن قاتار ءىستى توقتاتۋعا نەگىز بولاتىن جاعدايلار انىقتالماعانى ايتىلدى. ال الدىن الا تىڭداۋ كەزىندە تاراپتار سۋديا قۇرامىنا قارسىلىق بىلدىرمەگەن.
سوتتالۋشى القابيلەردىڭ قاتىسۋىمەن ءىستى قاراۋدان باس تارتقان. تاراپتار نەگىزگى سوت وتىرىسىن تاعايىنداۋدى سۇراعان.
ناتيجەسىندە نەگىزگى سوت پروتسەسى 28 مامىرعا بەلگىلەنىپ, اشىق رەجيمدە وتەتىنى بەلگىلى بولدى.
سوتتا پروكۋرور ميراس باۋىرجانوۆ ايىپتاۋ اكتىسىن وقىپ, قىلمىستىڭ حرونولوگياسىن باياندادى.
ال بار كىناسىن مويىنداعان سارسەماليەۆ ءولىم جازاسىنا دا كەلىسەتىندىگىن جەتكىزدى.