ۇلتتىق بانك الەمدىك فۋتبول دوداسىنا ارنالعان كوللەكتسيالىق مونەتالار شىعارادى

الەمدىك فۋتبولعا ارنالعان ەرەكشە جوبا

جاڭا كوللەكتسيالىق مونەتا FIFA-نىڭ رەسمي ليتسەنزياسىمەن دايىندالدى. جوبانىڭ سەرىكتەسى – نەمىستىڭ MDM Münzhandelsgesellschaft mbH & Co. KG Deutsche Münze كومپانياسى.

FIFA WORLD CUP 2026 – فۋتبول تاريحىنداعى XXIII الەم چەمپيوناتى, ءارى بۇل تۋرنير العاش رەت ءۇش ەلدە – كانادا, اقش جانە مەكسيكادا قاتار وتكىزىلەدى. سونىمەن بىرگە جارىس فورماتى كەڭەيىپ, قاتىسۋشى قۇرامالار سانى 48 كومانداعا دەيىن ۇلعايتىلادى.

مونەتانىڭ سىرتقى كەلبەتى سيمۆوليكالىق ءارى مازمۇنعا باي. ونىڭ رەۆەرسىندە:

كانادا, اقش جانە مەكسيكا جالاۋلارى بەينەلەنگەن; ورتاسىندا جەر شارى مەن «FIFA WORLD CUP 26 TM» جازۋى بار; تومەنگى بولىگىندە FIFA الەم كۋبوگىنىڭ بەينەسى ورنالاسقان; فۋتبول دوبى كومپوزيتسياسىندا فۋتبولشىلاردىڭ بەينەلەرى كورىنىس تابادى.

بۇل ەلەمەنتتەر فۋتبولدىڭ جاھاندىق ءمانىن جانە ءتۋرنيردىڭ حالىقارالىق دەڭگەيىن ايقىندايدى.

ساتىبالدىعا تيەسىلى بولۋى مۇمكىن مونەتالار اۋكتسيونعا قويىلدى

تەحنيكالىق سيپاتتامالارى, كولەمى, تارالىمى

مونەتا مىناداي پارامەترلەرگە يە:

925 سىنامالى كۇمىس سالماعى – 20 گرامم ديامەترى – 37 مم دايىنداۋ ساپاسى – proof نومينالى – 1000 تەڭگە

مونەتاعا ءتۇرلى ءتۇستى باسپا جانە التىن جالاتۋ تەحنولوگياسى قولدانىلعان.

جالپى تارالىمى – 2000 دانا:

1500 داناسى – قازاقستاننىڭ ىشكى نارىعىنا; 500 داناسى – سىرتقى نارىققا (MDM ارقىلى).

بۇل مونەتالار − شەكتەۋلى تيراجبەن شىعارىلاتىن كوللەكتسيالىق ءونىم.

وليمپيادا-2026: ۇلتتىق بانك جاڭا كوللەكتسيالىق مونەتالاردى شىعارادى

مونەتالار قازاقستان اۋماعىندا:

بارلىق تولەم تۇرلەرى بويىنشا قابىلدانادى; بانكتەردە شوتتارعا ەسەپكە الىنادى; اۋدارۋعا جانە ايىرباستاۋعا جارامدى.

ياعني ولار زاڭدى تولەم قۇرالى رەتىندە تولىق قولدانىلادى.

FIFA WORLD CUP 2026 كوللەكتسيالىق مونەتاسى – تەك نۋميزماتيكالىق قۇندىلىق قانا ەمەس, سونىمەن قاتار الەمدىك فۋتبول تاريحىنداعى ماڭىزدى وقيعاعا ارنالعان سيمۆولدىق بەلگى.

مونەتالار قازاقستان تەڭگە سارايىندا دايىندالعان, بۇل وتاندىق ءوندىرىستىڭ ساپاسى مەن مۇمكىندىگىن تاعى ءبىر مارتە ايعاقتادى.

قازاقستاندا ەندى ەكى نومينالداعى مونەتالار شىعارىلمايدى