قىزىلوردالىق پوليتسەيلەر بيىلعى جىلدىڭ 2 ايىندا 38 ەسىرتكى قىلمىسىن تىركەدى. ونىڭ ىشىندە ەسىرتكى ءوسىرۋ, وتكىزۋ, اسا ءىرى كولەمدە ساقتاۋ, جارنامالاۋ فاكتىلەرى بار. زاڭسىز اينالىمنان 86 كيلو 691 گرامم ەسىرتكى الىنعان.
وبلىس ورتالىعىندا كوپقاباتتى ءۇي اۋلالارى, گاراجدار مەن قۇرىلىس اۋماقتارى ءجىتى تەكسەرىلىپ, جەدەل باسقارۋ ورتالىعىنىڭ بەينەكامەرالارى ارقىلى شولۋ جاسالعان. ەسىرتكى تۇتىناتىن پريتون ۇيىمداستىرۋ دەرەكتەرىن انىقتاۋ ءۇشىن دە ءبىراز جۇمىس اتقارىلدى.
پوليتسەيلەر جۇرگىزگەن جەدەل ىزدەستىرۋ شارالارى بارىسىندا ءۇي اۋلاسىنداعى جىلىجايدا سورا وسىرگەن 4 قالا تۇرعىنى ۇستالىپ, 2 فيتوزەرتحانا انىقتالدى.