ەسكەرتكىش - ەلدىكتىڭ كورسەتكىشى, ۇلتتىق بولمىستىڭ ءتۇپ قازىعى. جۇرەكتە قادىرلەپ, جاتتان قورعاپ جۇرگەن قۇندىلىقتار ەسكەرتكىش بولىپ ەڭسە تىكتەگەندە كەۋدە كوتەرىلەدى, كوڭىلدى قۋانىش كەرنەيدى, دەپ جازادى Egemen.kz.
ەسكەرتكىش - ءار حالىقتىڭ «بىزدەردە مىناداي بار, مىناداي بار» دەپ ۇلتتىق ەرەكشەلىكتى ايگىلەۋدىڭ توتە جولى. قازاق دالاسىندا تاريحپەن تۇتاسىپ, سىرلى سان قيلى وقيعانىڭ بولىپ وتكەن ونەگەسىن جار سالىپ تۇرعان كەسەنە, قورىمداردان بولەك تالاي تاۋ تۇلعالالاردىڭ بەينەسى باعالى مەتالداردان سومداپ قۇيىلعان. بۇگىن ءبىز قاراپايىم بولسا دا قارماپ تۇرعان تاقىرىبى تەرەڭ 5 ەسكەرتكىشتىڭ تىزبەسىن ۇسىنعالى وتىرمىز.
ورالداعى «كىتاپ» ەسكەرتكىشىەسكەرتكىش ورالداعى قادىر مىرزا ءالي اتىنداعى امفيتەاتر جانىندا ورنالاسقان. كومپوزيتسيانىڭ بيىكتىگى 5, ەنى 3 مەتر. وندا تەك ورال قالاسىندا تۋىپ وسكەن عانا ەمەس, بۇكىل الەمگە ەڭبەگى سىڭگەن اقىن-جازۋشىلار اتى جازىلعان: ءال-فارابي, ماحامبەت وتەمىس ۇلى, عۇمار قاراش, م.ا.شولوحوۆ, اباي قۇنانباي ۇلى, ا.س.پۋشكين, حامزا ەسەنجانوۆ, جۇبان مولداعاليەۆ, قادىر مىرزا ءالي.
2. استاناداعى «مەنىڭ اتىم - قوجا» پوۆەستىنىڭ كەيىپكەرىنە ارنالعان ەسكەرتكىش
بۇل ەسكەرتكىش 2022 جىلى 1 مامىر كۇنى ەلورداداعى «جەتىسۋ» ساياباعىندا اشىلدى.
1963 جىلى «مەنىڭ اتىم قوجا» شىعارماسى جەلىسىمەن «قازاقفيلم» ستۋدياسى تۇسىرگەن بالالار فيلمىندەگى قوجا كەيىپكەرىنە ورناتىلعان ەسكەرتكىشتىڭ جالپى بيىكتىگى 183 سم, قولا, گرانيت ماتەريالدارىنان جاسالعان.
يدەيا اۆتورى - مۇرات قوجامقۇلوۆ.
ءمۇسىنشى - تالاپحان ازامات.
ايتا كەتسەك, «مەنىڭ اتىم قوجا» - 1957 جىلى جازىلعان, قازاق بالالار ادەبيەتىنىڭ وزىق تۋىندىلارىنىڭ ءبىرى سانالاتىن پوۆەست. اۆتورى – بالالار ادەبيەتىنىڭ كلاسسيگى بەردىبەك سوقپاقباەۆ. ول ورىس, ۋكراين, فرانتسۋز, ليتۆا, لاتىش, وزبەك تىلدەرىنە اۋدارىلعان. 1963 جىلى «قازاقفيلم» ستۋدياسىنىڭ وسى شىعارماسى بويىنشا جازىلعان كينوستسەناري ەكرانعا شىقتى.
3. قوستاناي وبلىسى امانگەلدى اۋدانىنىڭ ورتالىعىندا ورنالاسقان «بەسىك» ەسكەرتكىشى
ەسكەرتكىشتىڭ بيىكتىگى استىنداعى تۇعىرىمەن ەسەپتەگەندە 3 مەتردەن اسادى. ۇزىندىعى دا سول شامالاس. تۇعىرتاسىنا زاڭعار جازۋشى مۇحتار اۋەزوۆتىڭ «ەل بولام دەسەڭ, بەسىگىڭدى تۇزە» دەگەن ءسوزى جازىلعان.
بۇل ەسكەرتكىشتىڭ اۆتورى – كاسىبي سۋرەتشى بوز كەنجەاحمەتوۆ. ى. التىنسارين اتىنداعى ارقالىق پەداگوگيكالىق ينستيتۋتىنىڭ كوركەمسۋرەت فاكۋلتەتىن بىتىرگەن قىلقالام شەبەرىنە بۇل وي وعان العاشقى نەمەرەسى تۋعاندا كەلگەن ەكەن.
4. الماتىداعى «الما» ەسكەرتكىشى
قالانىڭ سيمۆولىنا اينالعان جەمىسكە ارنالعان ەسكەرتكىش كوكتەبەدە ورنالاسقان. «الما» ەسكەرتكىشى بۇگىندە كەلۋشىلەردىڭ كوز ءسۇيسىنتىپ, ەستەلىك سۋرەتكە تۇسەتىن كورىكتى الاڭىنا اينالعان.
5. اتىراۋداعى سۋ تاسقىنى كەزىندە بوگەت تۇرعىزۋعا كومەكتەسكەن ء«پشون» اتتى توبەتكە ارنالعان ەسكەرتكىش.
پشونگە ارنالعان ءمۇسىندى جەرگىلىكتى دانەكەرلەۋشى ازامات كەنجەعاليەۆ جاساعان. ول جاعالاۋداعى Ailaq كوفەحاناسىنىڭ الدىنا ورناتىلدى. ولتىرىلگەن ءپشوننىڭ ەسكەرتكىشى مەتالدان جاسالعان جانە التىن تۇسكە بويالعان. ازامات كەنجەعاليەۆ مۇنى ەسكەرتكىش ەمەس, ارت-ءمۇسىن دەپ اتاۋدى قۇپ كورەدى.