Ipsos جانە Reuters اگەنتتىكتەرى جۇرگىزگەن ساۋالناما ناتيجەلەرىنە سۇيەنسەك, اقش ازاماتتارىنىڭ باسىم بولىگى پرەزيدەنت دونالد ترامپ ەنگىزگەن تاريفتەر ازىق-ت ۇلىك پەن كۇندەلىكتى تۇتىنۋ تاۋارلارىنىڭ قىمباتتاۋىنا الىپ كەلۋى مۇمكىن ەكەندىگىن ايتقان, دەپ حابارلايدى Egemen.kz.
زەرتتەۋگە سايكەس, رەسپوندەنتتەردىڭ 70%-ى تاريفتەردىڭ باعا وسىمىنە تىكەلەي اسەر ەتەتىنىنە سەنىمدى. ولاردىڭ ىشىندە 10 دەموكراتتىڭ 9-ى جانە 10 رەسپۋبليكاشىنىڭ 6-ى وسى پىكىردى قولداعان. سونىمەن قاتار, امەريكالىقتاردىڭ 57%-ى ترامپتىڭ ەكونوميكالىق ساياساتىن تۇراقسىز دەپ باعالاعان.
ايتا كەتەيىك, ساۋالناما 11-12 ناۋرىز ارالىعىندا 18 جاستان اسقان 1 400-دەن استام امەريكالىقتىڭ قاتىسۋىمەن جۇرگىزىلگەن.