دەپۋتات جايىلىمدىق جەرلەردىڭ تاپشىلىعىنا توقتالدى

دەپۋتاتتىڭ ايتۋىنشا تاياۋدا باتىس قازاقستان وبلىسىنداعى بايتەرەك اۋدانىنا قاراستى رۋبەجينسكوە اۋىلىنىڭ تۇرعىندارىمەن كەزدەسكەن. اۋدانداعى ەڭ وتكىر ماسەلە جايىلىمدىق جەرلەردىڭ جەتىسپەۋشىلىگى. اكىمدىكتىڭ مالىمەتىنشە, اۋدانعا 22 اۋىلدىق وكرۋگ كىرەدى, ولاردىڭ 2-ءۋى عانا نورماتيۆتەر بويىنشا جايىلىمدارمەن تولىق كولەمدە قامتاماسىز ەتىلگەن ەكەن.

«اتالعان اۋدانداعى جەرگىلىكتى تۇرعىنداردىڭ ايتۋىنشا, 2000 جىلداردىڭ باس كەزىندە مال سانى قۇجاتتارى بويىنشا عانا ەسەپتەلگەن شارۋاشىلىققا جەر ءبولىندى. سونداي-اق كەيبiر ادامداردىڭ مەملەكەتتiك جەر كاداسترى بازاسىنا قول جەتكiزۋiنە بايلانىستى اۋىلدىق اۋماقتاردىڭ شەكارالارىن ءوز بەتiمەن وزگەرتۋگە بايلانىستى الاياقتىق جاساۋ دا جوققا شىعارىلمايدى», دەدى دەپۋتات.

وسى جانە باسقا دا كەلەڭسىزدىكتەردى ايتقان دەپۋتات جالپى قازاقستانداعى جايىلىمداردىڭ جەتىسپەۋشىلىگى تۋرالى ماسەلە قوزعادى.

«قازاقستاننىڭ 17 ءوڭىرىنىڭ 15-ىندە جايىلىم تاپشىلىعى بار, بۇل جەكە قوسالقى شارۋاشىلىقتارداعى مال باسىنىڭ كوبەيۋىنە بايلانىستى دەپ ايتقان اۋىل شارۋاشىلىعى مينيسترلىگىنىڭ ۇستانىمى مەنى تاڭ قالدىرادى.

ءبىرىنشى كەزەكتە اۋىل شارۋاشىلىعى ۆەدومستۆوسىندا تىركەۋمەن اينالىسۋدى توقتاتىپ, مال باسىنىڭ جانە اگروونەركاسىپتىك كەشەن ستاتيستيكاسىنىڭ ناقتى ساناعىن جۇرگىزۋ قاجەت», دەدى دەپۋتات.

ماجىلىسمەننىڭ ايتۋىنشا ءبىزدىڭ جەرلەر دەگراداتسيالانىپ جاتىر. دەمەك, تاياۋ بولاشاقتا ءبىزدىڭ رەسۋرستارعا باي ەلىمىز ازىق-ت ۇلىكتىڭ كوپ بولىگىن يمپورتتاۋعا ءماجبۇر بولادى.

«ۇكىمەتكە جارقىن بولاشاقتى قاعازدا ۋادە ەتۋدى توقتاتاتىن كەز كەلدى.

بۇگىندە جەر تەلىمدەرىنىڭ مەنشىك يەلەرى مەن جەر پايدالانۋشىلار تاراپىنان ۇقىپسىز قارىم-قاتىناستىڭ سالدارىنان ەروزياعا ۇشىراعان جانە ەروزياعا قاۋىپتى اۋىل شارۋاشىلىعى جەرلەرىنىڭ اۋدانى 90 ملن گەكتاردان اسادى, ونىڭ 29,3 ملن گەكتارى ءىس جۇزىندە ەروزياعا ۇشىراعان جانە ودان ءارى پايدالانۋعا جارامسىز. ميلليونداعان گەكتار جەر دەگەن نە ەكەنىن ەلەستەتىپ كورىڭىزشى!», دەدى دەپۋتات اسحات نۇرماعامبەت ۇلى.

سونىمەن قوسا, دەپۋتاتتىڭ ايتۋىنشا 175,3 ملن گا جايىلىمنىڭ 21,7 ملن-ى  دەگراداتسيالانعانىنا نازار اۋدارۋ قاجەت. ولاردىڭ باسىم بولىگى, 67,3 ملن گا, شولەيت ايماقتارعا, توزعان جايىلىمدارعا (12,5 ملن گا), سونداي-اق شولەيت اۋماقتار مەن شاعىن ادىرلارعا تيەسىلى.

«اۋىل شارۋاشىلىعى مينيسترىنە ەلىمىزدىڭ بارلىق وڭىرلەرىندەگى جايىلىمداردى باسقارۋ جوسپارىن جاساۋعا, سونداي-اق ونىڭ وسى ماقساتتارعا جارامدىلىق دەڭگەيىن تالداۋعا قاتىستى ماسەلە قالاي باقىلاناتىنىن حابارلاۋدى جانە باس پروكۋراتۋرادان وسى ماسەلەلەر بويىنشا زاڭدىلىقتى ساقتاۋ ماسەلەلەرى قالاي قامتاماسىز ەتىلەتىنىن سۇرايمىن», دەپ ساۋالىن اياقتادى ا.راحىمجانوۆ.