ولجاس بەكتەنوۆ ەكونوميكانى دامىتۋ جونىندە كەڭەس وتكىزدى

رەسمي مالەمەتتەرگە سۇيەنسەك, ەسەپتى كەزەڭدە ءجىو ءوسىمى 5,4%-دى قۇراعان. تاۋار ءوندىرىسى مەن قىزمەت كورسەتۋ سەكتورىندا ءوسۋ سەرپىنىنىڭ جاقسارعانى بايقالادى. ونەركاسىپتىك الەۋەتتى اشۋ بويىنشا جۇرگىزىلىپ جاتقان جۇمىستار ونەركاسىپ ءوندىرىسىنىڭ كولەمىن 5,7%-عا ارتتىرۋعا مۇمكىندىك بەردى.

«وڭدەۋ ونەركاسىبى بويىنشا بۇل كورسەتكىش 8,9%-دى قۇرادى. نەگىزگى سالالار ىشىندە ماشينا جاساۋ (18,2%), ازىق-ت ۇلىك ءوندىرىسى (13,1%), قۇرىلىس ماتەريالدارى ءوندىرىسى (21,6%) جانە مەتالل بۇيىمدارى ءوندىرىسى (20,1%), سونداي-اق حيميا ونەركاسىبى (9%) جوعارى كورسەتكىشتەر كورسەتتى. تاۋ-كەن ونەركاسىبىندە ءوسىم 4,1%-دى قۇرادى», دەلىنگەن حابارلامادا.

قۇرىلىس سالاسىندا جوعارى قارقىن ساقتالعان. ورىندالعان جۇمىستار كولەمى 408,1 ملرد تەڭگەگە, ال ناقتى كولەم يندەكسى 112,8%-عا جەتكەن. ساۋدا سالاسىنداعى ءوسىم 6%-عا, ال كولىك جانە قويمالاۋ قىزمەتى 21,3%-عا ارتقان. جالپى, استىق, تۇقىم جانە مال ازىعى ء(وسىم 5,8 ەسە), فارماتسەۆتيكالىق ونىمدەر (44,6%-عا), اۆتوكولىكتەر مەن جەڭىل كولىكتەر (38,8%-عا) وتكىزەتىن كوتەرمە ساۋدا كاسىپورىندارى ايتارلىقتاي جوعارى ۇلەس قوسقان. استىق تاسىمالى 43%-عا ارتىپ, 2,4 ملن تونناعا جەتىپ, ال ۇن ونىمدەرىن تاسىمالداۋ 12%-عا وسكەن.

سونىمەن قاتار تەرەڭ وڭدەلگەن ءونىم وندىرەتىن سالالاردى قولداۋ جۇيەسىنىڭ ناتيجەلەرى اتاپ ءوتىلدى. وسىلايشا, قوسىلعان قۇنى جوعارى ونىمدەر, اتاپ ايتقاندا, قۇراما جەم ەكسپورتى 5 ەسەگە ءوسىپ, 273 مىڭ توننانى قۇراپ (2024 جىلى – 56 مىڭ توننا), وسىمدىك مايىنىڭ ەكسپورتى 28%-عا ارتىپ, 94 مىڭ تونناعا جەتكەن.

پرەمەر-مينيستر ءوسۋ قارقىنىن باسەڭدەتپەۋدى تاپسىرىپ, جوسپارلى ءوسىم كورسەتكىشتەرىنە قول جەتكىزۋ ءۇشىن جۇمىستى كۇشەيتۋ قاجەت بىرقاتار باعىتتى اتاپ ءوتتى.