ساۋد ارابياسىنىڭ جيددا قالاسىندا وتكەن كەلىسسوز ناتيجەسىندە اقش پەن ۋكراينا اتىستى 30 كۇنگە توقتاتۋ تۋرالى ىمىراعا كەلدى, دەپ حابارلايدى Egemen.kz.
الايدا ۋكراينا بۇل تالاپ رەسەي تاراپىنان دا ءبىر مەزەتتە ورىندالۋى ءتيىس ەكەنىن جەتكىزدى.
اقش ءوز كەزەگىندە رەسەي باسشىلىعىنا بۇل تالاپتىڭ ەكى جاقتى ورىندالۋى بەيبىتشىلىككە جەتۋدىڭ نەگىزگى فاكتورى ەكەنىن جەتكىزۋگە ۋادە بەردى. سونىمەن قاتار, ۆاشينگتون ۋكرايناعا قاۋىپسىزدىك سالاسىنداعى كومەكتى قايتا جانداندىرىپ, بارلاۋ مالىمەتتەرىمەن الماسۋدى جالعاستىراتىنىن ايتتى.
«ۆلاديمير پۋتين كەلىسەدى دەپ ۇمىتتەنەمىن. ولاي بولماعاندا جاعداي بۇدان دا قيىندايتىنى ءسوزسىز. اپتا سايىن مىڭداعان سارباز وپات بولىپ, بەيبىت تۇرعىندار دا زارداپ شەگىپ جاتىر. وتكەندە اق ۇيدە بولعان داۋعا قاراعاندا قازىر دۇرىس جولعا تۇستىك», دەيدى اقش پرەزيدەنتى دونالد ترامپ.