استانا قالاسىنىڭ مامانداندىرىلعان اۋدانارالىق ەكونوميكالىق سوتى «Biz birgemiz Qazaqstan 2030» قوعامدىق بىرلەستىگىن ءماجبۇرلى تۇردە تاراتۋ تۋرالى شەشىم شىعاردى. سوتقا بۇل جونىندە ادىلەت دەپارتامەنتى شاعىمدانعان, دەپ حابارلايدى Egemen.kz.
رەسمي مالىمەتتەرگە سايكەس, اتالعان زاڭدى تۇلعا 2021 جىلعى 11 قازاندا مەملەكەتتىك تىركەۋدەن وتكەن. بىرلەستىكتىڭ 10 قۇرىلتايشىسى بولعان. الايدا قىلمىستىق ءىستى تەرگەۋ بارىسىندا قولجازبا ساراپتاماسى جۇرگىزىلىپ, 10 قۇرىلتايشىنىڭ 9-ىنىڭ اتىنان قۇجاتتارعا جالعان قول قويىلعانى انىقتالعان. ساراپتاما ناتيجەسىندە بارلىق قولدى پەريزات قايرات قويعانى بەلگىلى بولعان.
وسىعان بايلانىستى سوت قۇقىق بۇزۋشىلىقتاردى ەسكەرە وتىرىپ, ۇيىمدى ءماجبۇرلى تۇردە تاراتۋ تۋرالى شەشىم قابىلدادى.