جەتىسۋ وبلىسىنىڭ اقسۋ اۋدانىندا «جانسۇگىروۆ-ماتاي» اۆتوجولىنىڭ 34-ءشى شاقىرىمىنداعى تەمىربەتون قۇبىرى مەن جول توسەمىنىڭ ءبىر بولىگى قيرادى, دەپ حابارلايدى Egemen.kz.
تجم اپاتقا سۋ وتكەلىنىڭ توزۋى سەبەپ بولعانىن مالىمدەدى.
جولدىڭ وسى بولىگىندە كولىك قوزعالىسى ۋاقىتشا توقتاتىلىپ, ماماندار جەدەل جوندەۋگە كىرىسكەن.
ايماقتىق تجد قۇبىر وتكەلىن توسەپ, توپىراق تولتىرىپ, نىعىزداعان.
كەيىننەن اۋداندىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى, تۇرعىن ءۇي ينسپەكتسياسى ءبولىمىنىڭ باسشىسى ماديار نۇراحمەتوۆ جول بولىگى اشىلىپ, قوزعالىس قالپىنا كەلتىرىلگەنىن حابارلادى.
«اقسۋ-ويتوعان اۋىلدارىنىڭ اراسىنداعى جول قالپىنا كەلتىرىلدى. قازىرگى تاڭدا ارنايى بەلگىلەر قويىلىپ, كەزەكشىلىك ۇيىمداستىرىلدى. جول اشىق. قۇرمەتتى جولاۋشىلار اتالعان جول ۋچاسكەسىندە جىلدامدىق ەرەجەلەرىن قاتاڭ ساقتاۋدى سۇرايمىز», دەدى ماديار نۇراحمەتوۆ.