الەۋمەتتىك جەلىدە شىعىس قازاقستان وبلىسىندا وقۋشىلار اراسىنداعى الىمجەتتىك تۋرالى ۆيدەو تاراپ كەتتى. سوعان قاتىستى پوليتسيا دەپارتامەنتى تۇسىنىك بەردى, دەپ حابارلايدى Egemen.kz.
بۇگىن ءبىر توپ ءجاسوسپىرىمنىڭ اراسىنداعى الىمجەتتىك تۋرالى ۆيدەو الەۋمەتتىك جەلىدە تاراپ, جۇرتتىڭ قىزۋ تالقىسىنا ءتۇستى.
الايدا, شقو پوليتسيا دەپارتامەنتىنىڭ وكىلدەرى ۆيدەونىڭ وسىدان 2 جىل بۇرىن تۇسىرىلگەنىن ءمالىم ەتتى.
– ۆيدەو 2023 جىلى گەراسيموۆكا ورتا مەكتەبى اۋماعىندا تۇسىرىلگەن. سول كەزدە وقيعاعا قاتىسۋشىلارمەن جانە باسقا دا وقۋشىلارمەن پروفيلاكتيكالىق جۇمىستار جۇرگىزىلدى. بۇل جاسوسپىرىمدەرمەن مەكتەپ پسيحولوگى جەكە سويلەستى. قازىر ولاردىڭ ەكەۋى 10-سىنىپتا وقۋىن جالعاستىرىپ جاتىر. ال قالعاندارى كوللەدجدەر مەن ۋنيۆەرسيتەتتەرگە وقۋعا ءتۇسىپ كەتتى, – دەلىنگەن اقپاراتتا.