الماتىداعى اۋەجايدا كەپىلگە الىنعان قىزمەتكەردى قۇتقارىپ, ەلگە ەرلىگىمەن تانىلعان مۇسا ءابدىرايىم بۇكىلالەمدىك بوكس كەڭەسىنىڭ (WBC) بەيبىتشىلىك ەلشىسى بولىپ تاعايىندالدى, دەپ حابارلايدى Egemen.kz.
بۇل تۋرالى WBC ۇيىمىنىڭ پرەزيدەنتى حوسە سۋلەيمان الەۋمەتتىك جەلىدەگى پاراقشاسىندا جاريالادى.
حوسە سۋلەيمان مۇسا ابدىرايىممەن تەلەفون ارقىلى سويلەسىپ, ونىڭ ءىس-ارەكەتىنە, باتىلدىعىنا ءتانتى بولعان. ءسويتىپ, ونى رەسمي تۇردە ۇيىمنىڭ بەيبىتشىلىك ەلشىسى دەپ جاريالادى.
- ونىمەن قاتار تۇرعانىمدى ماقتان تۇتامىن. سپورت ءۇشىن عانا ەمەس, ادامزات ءۇشىن ناعىز باتىر, – دەدى ۇيىم باسشىسى.
ارتىنان اۋەجايداعى وقيعادا باتىلدىق تانىتقانى ءۇشىن پرەزيدەنت مۇسا ءابدىرايىمدى «ەرلىگى ءۇشىن» مەدالىمەن ناگرادتادى.