تۇركىستان وبلىسىنىڭ تۇرعىنى الەۋمەتتىك جەلى ارقىلى تەرروريزم مەن قارۋلى جيھادتى ناسيحاتتاعانى ءۇشىن 7 جىلعا باس بوستاندىعىنان ايىرىلدى, دەپ حابارلايدى Egemen.kz.
سوت ماتەريالدارىنا سايكەس, 2023 جىلدىڭ ناۋرىز ايىنان باستاپ ايىپتالۋشى Telegram ارقىلى تانىستارىنا راديكالدىق ءدىني يدەيالاردى جانە قارۋلى جيھادقا شاقىراتىن ۆيدەوماتەريالداردى تاراتقان. تەرگەۋ ونىڭ بۇل ارەكەتتەرىن تەرروريزمدى ناسيحاتتاۋ دەپ تانىدى.
«ايىپتالۋشى ر. ءوز كىناسىن تولىق مويىندادى. ونىڭ كىناسى سوت-مەديتسينالىق ساراپتامانىڭ قورىتىندىلارى, كۋاگەرلەردىڭ ايعاقتارى جانە وزگە دە دالەلدەر ارقىلى راستالدى», — دەلىنگەن سوت حابارلاماسىندا.
مەملەكەتتىك ايىپتاۋشى سوتتان 8 جىل جازا بەرۋدى سۇرادى. الايدا سوتتالۋشىنىڭ كامەلەتكە تولماعان بالالارى بار ەكەنىن ەسكەرىپ, وعان 7 جىل باس بوستاندىعىنان ايىرۋ جازاسىن تاعايىندادى.