سوتتالۋشى Telegram جەلىسى ارقىلى 2024 جىلدىڭ ناۋرىز ايىندا ءوزىنىڭ تانىستارىنا راديكالدى ءدىني يدەيالار مەن زورلىق-زومبىلىق ارەكەتتەرگە, ونىڭ ىشىندە «قارۋلى جيھادقا» شاقىراتىن بەينەماتەريالدار جىبەرگەن, دەپ حابارلايدى Egemen.kz.
«مەملەكەتتىك ايىپتاۋشى قاتاڭ جازا قولدانۋدى تالاپ ەتىپ, قىلمىسكەردى سەگىز جىلعا باس بوستاندىعىنان ايىرۋدى سۇرادى. الايدا سوت سوتتالۋشىنىڭ كامەلەتكە تولماعان بالالارىنىڭ بولۋى, كىناسىن تولىق مويىنداۋ جانە وكىنۋ سياقتى بىرقاتار فاكتورلاردى ەسكەردى», دەپ حابارلادى كەنتاۋ قالالىق سوتىنىڭ ءباسپاسوز قىزمەتى.
سوتتالۋشى قازاقستان رەسپۋبليكاسى قىلمىستىق كودەكسىنىڭ 256-بابىنىڭ 2-بولىگىمەن كىنالى دەپ تانىلىپ, وعان جەتى جىلعا باس بوستاندىعىنان ايىرۋ جازاسى تاعايىندالعان.
«ايىپتالۋشىنىڭ كىناسى كۋالاردىڭ ايعاقتارىمەن, سوت ساراپتاماسىنىڭ ناتيجەلەرىمەن جانە باسقا دا ءىس ماتەريالدارىمەن راستالدى. سوتتالۋشى ءوز كىناسىن تولىق مويىنداپ, وكىنەتىنىن ايتتى», دەلىنگەن حابارلامادا.
ۇكىم زاڭدى كۇشىنە ەنگەن جوق.