تۇركىستان وبلىسى تولەبي اۋدانىنىڭ "اڭگىراتا" جالپى ءبىلىم بەرەتىن مەكتەپ ديرەكتورى لاۋازىمىنان بوساتىلدى, دەپ حابارلايدى Egemen.kz.
تۇركىستان وبلىسىنىڭ ءبىلىم باسقارماسى مەكتەپ ديرەكتورىنىڭ جۇمىستان شەتتەتىلۋ سەبەبىن فۋنكتسيونالدىق قىزمەتىن دۇرىس اتقارماعاندىعىمەن ءتۇسىندىردى.
- تۇركىستان وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتى تاراپىنان تەكسەرۋ جۇمىستارى جۇرگىزىلىپ, ناتيجەسىندە مەكتەپ ديرەكتورى اتقارىپ وتىرعان لاۋازىمىنان بوساتىلدى. وعان سەبەپ فۋنكتسيونالدىق قىزمەتىن دۇرىس اتقارماعان, - دەيدى تۇركىستان وبلىسى ءبىلىم باسقارماسىنىڭ ءباسپاسوز حاتشىسى نۇرلان سۇلتانبەك.
ايتا كەتەيىك, Facebook الەۋمەتتىك جەلىسىندە تۇركىستان وبلىسى تولەبي اۋدانىنداعى مەكتەپ ديرەكتورى تۋىستارىن رەتسىز جۇمىسقا العانى تۋرالى اقپارات تاراعان بولاتىن. وندا الەۋمەتتىك جەلى بەلسەندىسى, ءلاززات اسانوۆا "اڭگىراتا" مەكتەبىنىڭ ديرەكتورى تۋىستارى مەن تانىستارىن ءوزى باسقارىپ وتىرعان مەكتەپكە جۇمىسقا العانىن جازعان.
- تۇتقىشەۆ تۇردالى ايتجان ۇلى — مەكتەپ ديرەكتورى. تۇتقىشەۆ تۇرار ايتجانوۆيچ — قاراۋىل, تۇتقىشەۆ تۇرعىنبەك ايتجانوۆيچ — لابورانت, جۇبايى سۋگيرباەۆا ساندۋعاش نۇرلىبەكوۆنا — مۇعالىم… ال ەندى اعايىندارى, كلاستاستارى مەن كورشىلەرىنە توقتالماي- اق قويايىن. سوندا تۇردالى تۇتقىشەۆقا زاڭ جوق پا؟, – دەپ جازعان بولاتىن بەلسەندى پاراقشاسىندا.