ناۋرىز مەرەكەلەرىندە قازاقستاندىقتار قانشا كۇن دەمالادى

كوكتەمنىڭ العاشقى ايىندا قازاقستاندا ەكى مەملەكەتتىك مەرەكە اتاپ وتىلەدى: 8 ناۋرىز – حالىقارالىق ايەلدەر كۇنى جانە ناۋرىز مەيرامى.

بيىل 8 ناۋرىز حالىقارالىق ايەلدەر مەرەكەسى كۇنتىزبەدە سەنبىگە تۇس كەلىپ تۇر. 

وسىعان وراي مەرەكەلىك دەمالىس دۇيسەنبىگە, ياعني 10 ناۋرىزعا اۋىستىرىلادى. دەمەك, قازاقستان حالقى 8,9,10 ناۋرىز قاتارىنان ءۇش كۇن دەمالادى. 

ال ءاز-ناۋرىز دەمالىسى 21 ناۋرىز, جۇما كۇنىنەن باستالىپ, 25 ناۋرىزدى قامتيدى. مەرەكەدەن كەيىنگى جۇمىس اپتاسى 26 ناۋرىزدان باستالادى.