ايبەك سمادياروۆ ءسىم حالىقارالىق اقپارات كوميتەتىنىڭ توراعاسى بولىپ بەكىتىلدى. ول سونىمەن قاتار مينيسترلىكتىڭ رەسمي وكىلى قىزمەتىن دە قوسا الىپ جۇرەدى, دەپ حابارلايدى Egemen.kz.
ايبەك سمادياروۆ 1983 جىلعى 7 شىلدەدە وڭتۇستىك قازاقستان وبلىسىندا دۇنيەگە كەلگەن. 2004 جىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىن بىتىرگەن.ەڭبەك جولىن 2005 جىلى «قازاقستانداعى قىتاي بانكى» اق ادمينيستراتيۆتىك دەپارتامەنتىنىڭ مامانى رەتىندە باستاعان. 2006 جىلدان 2008 جىلعا دەيىن قازاقستان رەسپۋبليكاسىنىڭ سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ مامانى رەتىندە قىزمەت اتقارعان. 2008-2010 جىلدارى قر ءسىم ەۋروپا دەپارتامەنتىنىڭ اتتاشەسى جانە ءۇشىنشى حاتشىسى لاۋازىمدارىندا جۇمىس ىستەگەن.2010-2012 جىلدار ارالىعىندا قازاقستاننىڭ ماجارستانداعى ەلشىلىگىندە ءۇشىنشى حاتشى قىزمەتىن اتقارعان.
2012 جىلدان 2013 جىلعا دەيىن قر پرەزيدەنتىنىڭ ءباسپاسوز قىزمەتىندە ساراپشى, ال 2013-2014 جىلدارى قر ءسىم سىرتقى ساياسي ساراپتاۋ مەن بولجامداۋ كوميتەتىنىڭ ءبىرىنشى حاتشىسى لاۋازىمىن اتقاردى.
2014 جىلدان 2018 جىلعا دەيىن ۆەتنامداعى قر ەلشىلىگىندە ەكىنشى جانە ءبىرىنشى حاتشى قىزمەتىندە جۇمىس ىستەدى. 2018-2019 جىلدارى قر ءسىم ءباسپاسوز قىزمەتىن باسقارىپ, 2019-2023 جىلدار ارالىعىندا قر ءسىم حالىقارالىق اقپارات كوميتەتى توراعاسىنىڭ ورىنباسارى – ءباسپاسوز حاتشىسى لاۋازىمىن اتقاردى.قر ءسىم حالىقارالىق اقپارات كوميتەتىنىڭ توراعاسى بولىپ تاعايىندالعانعا دەيىن 2023 جىلعى ماۋسىمنان باستاپ قر ءسىم كوممۋنيكاتسيالار دەپارتامەنتىنىڭ ديرەكتورى – رەسمي وكىلى بولدى.II سىنىپتى توتەنشە جانە وكىلەتتى ۋاكىل ديپلوماتيالىق دارەجەگە يە.