«الماتى – ءبىزدىڭ ورتاق ءۇيىمىز» ناۋقانى باستالدى

ناۋرىز ايىنىڭ العاشقى ونكۇندىگى «تازا كوشەلەر» دەگەن اتاۋمەن ءوتىپ جاتىر. بۇل كەزەڭدە جول جابىنىن, قوعامدىق كولىك ايالدامالارىن تازالاۋ, جول بەلگىلەرىن جۋىپ-شايۋ, قوسىمشا قوقىس جاشىكتەرىن ورناتۋ جانە قالانىڭ نەگىزگى كوشەلەرىن كوركەيتۋ جۇمىستارى جۇرگىزىلەدى. 

ناۋقان بارىسىندا جۇمىسشىلار سولتۇستىك اينالما جولىنىڭ بويىن تازارتىپ جاتىر. جۇمىسشى اسقار الدابەرگەنوۆتىڭ ايتۋىنشا, جۇمىس رىسقۇلوۆ كوشەسىنەن باستالىپ, اينابۇلاق شاعىن اۋدانىنا قاراي جالعاسادى.

«قىزمەتكەرلەر قىس كەزىندە جولعا سەبىلگەن قۇم مەن باسقا دا قوقىستاردى جيناپ جاتىر. ءبىزدىڭ قولىمىزدا فرونتالدى تيەگىش, ساموسۆال جانە شاڭسورعىش كولىك بار. جۇمىسشىلار نەگىزگى قوقىستى جيناعاننان كەيىن شاڭسورعىش ۇساق قالدىقتاردى تازالايدى. مەن وسى سالادا 15 جىلدان بەرى جۇمىس ىستەيمىن. قىس بىتكەسىن قار استىندا قالعان قالدىقتاردى جينايمىز, ال كوكتەمدە ساياباقتار مەن گۇلزارلاردى رەتكە كەلتىرەمىز. جىل مەزگىلدەرىنە قاراي تازالىق جۇمىستارىن جۇيەلى تۇردە جۇرگىزەمىز», دەيدى ول.

«تازا كوشەلەر» ناۋقانىنا 180 جۇمىسشى جانە 60 بىرلىك ارنايى تەحنيكا جۇمىلدىرىلعان. ماگيسترالدىق كوشەلەر عانا ەمەس, ولارعا ىرگەلەس جاتقان ساياباقتار, گۇلزارلار, ارىق جۇيەلەرى تازارتىلىپ جاتىر. اۋلالاردا «قاسبەتتەن قاسبەتكە دەيىن» قاعيداتى بويىنشا تازالىق جۇمىستارى قولعا الىنعان.

اكىمدىك كورىكتەندىرۋ تولقۇجاتى دا ەنگىزىلىپ جاتقانىن حابارلاپ وتىر. اۋدان اكىمدىگى قىزمەتكەرلەرى كاسىپكەرلەر مەن مەنشىك يەلەرىن ارالاپ, كورىكتەندىرۋ تولقۇجاتىنا قول قويۋدىڭ مىڭىزىن ءتۇسىندىرۋ جۇمىسىن باستاعان. بۇل ايماعىن تازا ۇستاۋعا دەگەن جاۋاپكەرشىلىكتى ارتتىرادى.

جولدى شۇڭقىرلى جوندەۋ جۇمىستارى دا قولعا الىنعان. ويىقتى, شۇڭقىردى قالپىنا كەلتىرۋ, اپاتتى جاعدايداعى ارىقتار مەن جيەكتاستاردى اۋىستىرۋ جۇمىستارى باستالعان.

1 ناۋرىزدان 1 ساۋىرگە دەيىن 4 كەزەڭگە بولىنگەن «الماتى – ءبىزدىڭ ورتاق ءۇيىمىز» ناۋقانى مىنا جۇمىستاردى قامتيدى: 

«تازا كوشەلەر» (1-9 ناۋرىز) – ايالدامالار مەن جول بەلگىلەرىن جۋ, قوقىس جاشىكتەرىن ورناتۋ, ماگيسترالدى كوشەلەردى كوركەيتۋ.«تازا ساياباقتار, سكۆەرلەر جانە تاۋلار» (10-16 ناۋرىز) – تابيعي ايماقتاردا سەنبىلىكتەر وتكىزۋ, قوقىس جيناۋ شارالارى.«تازا اۋلالار» (17-23 ناۋرىز) – اۋلالاردى, بالالار جانە سپورت الاڭدارىن تازالاۋ, بوياۋ, كوگالداندىرۋ, «ۇزدىك اۋلا/اۋلا سىپىرۋشىسى/گۇلزار» بايقاۋلارى.ء«بىزدىڭ قالا – ءبىزدىڭ ماقتانىشىمىز» (24 ناۋرىز – 1 ءساۋىر) – ەسكەرتكىشتەردى كوركەيتۋ جانە جاپپاي اعاش وتىرعىزۋ.