بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى ءمالىم قىلدى, دەپ حابارلايدى Egemen.kz.
قازاق مال شارۋاشىلىعى جانە جەمشوپ ءوندىرۋ عىلىمي-زەرتتەۋ ينستيتۋتى, قىتايلىق شىڭجاڭ-ۇيعىر اۆتونوميالىق اۋدانىنىڭ مال شارۋاشىلىعى اكادەمياسى جانە قازاقستاننىڭ «جىبەك جولى» كوممەرتسيالىق-ينۆەستيتسيالىق كومپانياسى جشس-ءى ء«بىر بەلدەۋ, ءبىر جول» باستاماسى شەڭبەرىندە بىرلەسكەن جايىلىمدىق مال شارۋاشىلىعى زەرتحاناسىن قۇرۋدى جوسپارلاپ وتىر.
ءتيىستى كەلىسىم بىرلەسكەن تەحنولوگيالىق ازىرلەمەلەردى, تاجىربيە الماسۋدى, ترەنينگتەر ارقىلى كادرلار دايارلاۋدى, تەحنيكالىق وقىتۋدى جانە پراكتيكاعا عىلىمي جەتىستىكتەردى ەنگىزۋدى كوزدەيدى.
تاراپتار تەڭدىك جانە ءوزارا تيىمدىلىك قاعيداتتارىن باسشىلىققا الا وتىرىپ, عىلىمي زەرتتەۋلەر, تەحنولوگيالىق يننوۆاتسيالار جانە مال شارۋاشىلىعى سالاسىندا كادرلار دايارلاۋ سالاسىنداعى ىنتىماقتاستىقتى نىعايتۋعا نيەتتى.