كۋرورتتىق ايماقتاردا جىلدام تارالىپ جاتقان دەنگە بەزگەگى ەندى تايلاندتا دا تىركەلگەن.بۇعان دەيىن يندونەزيانىڭ بالي ارالىندا دەمالۋشىلار دەنە قىزۋىنىڭ كوتەرىلۋى, جۇرەك اينۋ, دەنەدە بورتپە پايدا بولۋى سەكىلدى بەلگىلەرگە شاعىمدانعان, دەپ حابارلايدى Egemen.kz.
مامانداردىڭ ايتۋىنشا, اۋرۋدىڭ تارالۋىنا تولاسسىز جاۋعان جاۋىننان كەيىنگى ماسالاردىڭ كوبەيۋى سەبەپ بولعان. ايتا كەتەيىك, ينفەكتسيا Aedes aegypti ماسالارى ارقىلى تارالادى جانە تروپيكالىق ايماقتاردا بەلسەندى تۇردە ءورشيدى.
جەرگىلىكتى مەديتسينا قىزمەتكەرلەرى تۋريستەرگە پاراتسەتامول ىشۋگە جانە ىشكى قان كەتۋدىڭ الدىن الۋ ءۇشىن كۇندەلىكتى قان تاپسىرىپ تۇرۋعا كەڭەس بەرگەن. ناۋقاستاردىڭ ايتۋىنشا, رەپەللەنتتەر مەن فۋميگاتورلار ايتارلىقتاي كومەكتەسپەگەن.
ۆيرۋس جۇقتىرىپ, جازىلعان ادامداردىڭ كوپشىلىگى كەيىن شاشتىڭ شامادان تىس ءتۇسۋىن بايقاپ, دارىگەرلەرگە جۇگىنگەن. بۇل دەنگە بەزگەگىنىڭ اعزاعا تيگىزەتىن ۇزاق مەرزىمدى اسەرلەرىنىڭ ءبىرى بولۋى مۇمكىن.