ءماجىلىس دەپۋتاتى داۋلەت مۇقاەۆ مەكتەپ وقۋشىلارىنىڭ جاساندى ينتەللەكت قۇرالدارىن شەكتەن تىس قولدانۋى ءبىلىم ساپاسىنا كەرى اسەر ەتۋى مۇمكىن ەكەنىن ايتىپ, شەكتەۋ قويۋ ماسەلەسىن كوتەردى, دەپ حابارلايدى Egemen.kz.
«تەحنولوگيانىڭ دامىعانى, ارينە, جاقسى. بىراق ۋاقىت وتە كەلە ميىمىزدىڭ شەكتەلىپ, كىشىرەيۋىنە الىپ كەلەتىن پروتسەس سەكىلدى. قازىرگى تاڭدا مەكتەپ وقۋشىلارىنىڭ اراسىندا ەشقانداي تاپسىرمانى ورىنداماي, جاساندى ينتەللەكتكە سالىپ وتىراتىندارى بار. مەكتەپ جاسىنداعى وقۋشىلارعا قانداي دا ءبىر شەكتەۋلەر قويۋ كەرەك سەكىلدى. بۇل دا ءبىزدىڭ ەل ءۇشىن كەلە جاتقان ۇلكەن قاۋىپتىڭ ءبىرى», دەدى دەپۋتات.
ونىڭ ايتۋىنشا, ەگەر قازىر ءتيىستى شارالار قولعا الىنباسا, 20 جىلدان كەيىن بۇل ءۇردىستىڭ سالدارى ايقىن سەزىلۋى مۇمكىن.
بۇگىندە جاساندى ينتەللەكت قۇرالدارى وقۋشىلاردىڭ ءۇي تاپسىرماسىن ورىنداۋ كەزىندە كەڭىنەن قولدانىلادى. بۇل ماسەلە قوعامدا ءتۇرلى پىكىر تۋدىرىپ, ءبىلىم بەرۋ جۇيەسىندە جاڭا رەتتەۋ تەتىكتەرىن ەنگىزۋ قاجەتتىلىگى تالقىلانىپ جاتىر.