پەتروپاۆلدا ەكى ايدان استام ۋاقىت ءومىر ءۇشىن كۇرەسكەن ءۇش جاسار بالا قايتىس بولدى. بۇل تۋرالى سولتۇستىك قازاقستان وبلىسىنىڭ دەنساۋلىق ساقتاۋ باسقارماسى مالىمدەدى, دەپ حابارلايدى Egemen.kz.
بالا 19 جەلتوقسان كۇنى اۋىر جاراقاتپەن كوپسالالى وبلىستىق بالالار اۋرۋحاناسىنا جەتكىزىلگەن. دارىگەرلەر ونىڭ ءومىرىن ساقتاپ قالۋ ءۇشىن بار كۇشىن سالعانىمەن, وكىنىشكە قاراي, بالا ەسىن جيماستان قايتىس بولدى.
مەديتسينا ماماندارى اشىق مي جاراقاتى, مي شايقالۋىنىڭ اۋىر ءتۇرى, سول جاق كوزىنە, ماڭداي, ساماي جانە توبە سۇيەكتەرىنە زاقىم كەلۋ, ىشكى قان كەتۋ جانە تراۆماتيكالىق شوك دەگەن دياگنوزدار قويعان.