جوعارعى سوت ارداگەردىڭ قۇقىعىن قورعادى

سول جىلى تۇرعىن ءۇي باسقارماسى ونى جانە ونىڭ وتباسىن باسقا باسپانا بەرمەي, تۇرىپ جاتقان ۇيىنەن شىعارۋ تۋرالى شەشىم قابىلداپ, جالعا الۋ مەرزىمىن ۇزارتۋدان باس تارتقان.

باسقارما ونىڭ سوڭعى 5 جىل بويىنا تيەسىلى تۇرعىن ءۇيدى يەلىكتەن ايىرۋىن العا تارتقان.

استانا تۇرعىنى تۇرعىن ءۇي باسقارماسىنىڭ ۇستىنەن تۇرعىن ءۇي كوميسسياسىنىڭ شەشىمىن زاڭسىز دەپ تانۋ جانە ونىڭ ءبىر بولىگىنىڭ كۇشىن جويۋ جانە جاڭا مەرزىمگە جالعا بەرۋ شارتىن جاساسۋ تۋرالى تالاپ قويۋمەن سوتقا جۇگىنگەن.

ءمااس-ى جانە اپەللياتسيا تالاپ قويۋدى قاناعاتتاندىرعان.

تۇرعىن ءۇي باسقارماسى بۇل شەشىمگە كاسساتسيالىق تارتىپتە شاعىم ءتۇسىردى.

جوعارعى سوتتىڭ اكىمشىلىك ىستەر جونىندەگى سوت القاسى ءىستى زەرتتەي كەلە, ەلوردا اكىمدىگىنىڭ تۇرعىن ءۇي كوميسسياسىنىڭ تالاپ قويۋشىنىڭ قۇقىقتارى مەن مۇددەلەرىنە قاتىستى شەشىمىنىڭ زاڭسىزدىعىن كورسەتتى.

پاتەر تالاپ قويۋشىعا راتيفيكاتسيالانعان كەلىسىمگە سايكەس باسقا مەملەكەتتەردىڭ اۋماعىنداعى اسكەري ءىس-قيمىلدارعا قاتىسۋشى, ارداگەر مارتەبەسى بار جاۋىنگەر - ينتەرناتسيوناليست رەتىندە بەرىلگەنى, ول باسقا تۇرعىن ۇيمەن قامتاماسىز ەتىلمەي شىعارىلمايتىنى اتاپ وتىلگەن.

تالاپ قويۋشىعا قىزمەتتىك پاتەر بەرىلگەنگە دەيىن استانا قالاسىنىڭ اكىمدىگى سوعىس ارداگەرىنە تەڭەستىرىلگەن تۇلعا رەتىندە تۇرعىن ءۇي سالۋ جانە پايدالانۋ ءۇشىن ەلوردانىڭ شەتىنەن 0,1 گەكتار جەر تەلىمىن بەرگەن. جەر تەلىمى ولار تاراپىنان ۇلىنا سىيعا تارتۋ شارتى بويىنشا يەلىكتەن شىعارىلعان.

تالاپ قويۋشى كوپتەگەن ماراپاتتارعا, سونىڭ ىشىندە مەملەكەتتىك ماراپاتتارعا يە, جاسى بويىنشا زەينەتكەر, حالىقتىڭ الەۋمەتتىك وسال توبىنا جاتادى جانە باسقا تۇرعىن ءۇيى جوق.

وسىلايشا, جەرگىلىكتى سوتتاردىڭ تالاپ قويۋدى قاناعاتتاندىرۋ تۋرالى قورىتىندىلارى زاڭدى جانە نەگىزدى, سەنىم قۇقىعىن قورعاۋ, اكىمشىلىك ءىس جۇرگىزۋدىڭ زاڭدىلىعى مەن ادىلدىگى قاعيداتتارىنا سايكەس كەلەدى.

جوعارعى سوت ءىس بويىنشا شىعارىلعان سوت اكتىلەرىن كۇشىندە قالدىردى جانە تۇرعىن ءۇي باسقارماسىنىڭ شاعىمىن قاناعاتتاندىرۋسىز قالدىردى.