قازگيدرومەت سينوپتيكتەرى قازاقستاندا 27, 28 اقپان جانە 1 ناۋرىزدا اۋا رايى قانداي بولاتىنى تۋرالى بولجام جاسادى, دەپ حابارلايدى Egemen.kz.
الداعى تاۋلىكتەردە قازاقستاننىڭ باسىم بولىگىندە وڭتۇستىك تسيكلوننىڭ ىقپالى جالعاسادى. ناتيجەسىندە ەلىمىزدە بۇرقاسىنمەن بىرگە قار جاۋادى, رەسپۋبليكانىڭ وڭتۇستىگى مەن وڭتۇستىك-شىعىسىندا جاۋىن-شاشىن جانە قار تۇرىندەگى جاۋىن-شاشىن كۇتىلەدى.
27 اقپاندا شىعىستا, تۇندە وڭتۇستىك-شىعىستىڭ تاۋلى ايماقتارىندا, 28 اقپاندا وڭتۇستىك-باتىستا, 1 ناۋرىزدا سولتۇستىك-باتىستا قالىڭ قار جاۋى مۇمكىن. تۇندە تۇمان, كوكتايعاق, جەلدىڭ كۇشەيۋى كۇتىلەدى, رەسپۋبليكانىڭ وڭتۇستىك-شىعىسىندا سەكۋندىنا 30 مەتر جانە ودان دا جوعارى جەلدىڭ كۇشەيۋى ىقتيمال.
«اۋا تەمپەراتۋراسىنىڭ تۇندە سولتۇستىك-باتىستا, شىعىستا, رەسپۋبليكا ورتالىعىندا 12-28 گرادۋس ايازعا دەيىن, سولتۇستىكتە 15-25 گرادۋس ايازعا دەيىن تومەندەۋى كۇتىلەدى, وڭتۇستىكتە, وڭتۇستىك-شىعىستا ازداپ 1-10 گرادۋس ايازعا دەيىن كوتەرىلەدى, باتىستا نەگىزگى اۋا تەمپەراتۋراسى 5-20 گرادۋس اياز بولادى», دەلىنگەن حابارلامادا.