بىلتىر ەلىمىزدە جەتىم بالالار مەن اتا-اناسىنىڭ قامقورلىعىنسىز قالعان بالالارعا قولداۋ كورسەتۋگە باعىتتالعان تالىمگەرلىك ينستيتۋتى جۇمىسىن باستاعان ەدى, دەپ جازادى Egemen.kz.
تالىمگەرلىك ينستيتۋتى بىلىم بەرۋ ۇيىمدارىنىڭ تاربيەلەنۋشىلەرىن 10 جاستان باستاپ ءوز بەتىنشە ءومىر سۇرۋگە باۋليدى.
«تالىمگەرلەردى دايارلاۋ - اتا-اناسىنىڭ قامقورلىعىنسىز قالعان بالالارعا ساپالى قولداۋ مەن كومەك كورسەتۋدە ماڭىزدى قادام. ءبىز بۇل شارا بالالاردى الەۋمەتتەندىرۋگە جانە ءوز بەتىنشە ءومىر سۇرۋگە دايىنداۋعا ىقپال ەتەتىن تالىمگەرلىكتىڭ ءتيىمدى جۇيەسىن قۇرۋعا مۇمكىندىك بەرەتىنىنە سەنىمدىمىز», دەدى قر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.
تالىمگەرلىككە كامەلەت جاسىنا تولعان جانە قورعانشىلارعا قويىلاتىن تالاپتارعا سايكەس كەلەتىن ازاماتتار ۇمىتكەر بولا الادى. مىندەتتى وقىتۋدان وتكەننەن كەيىن ولارعا بىلىكتىلىگىن راستايتىن سەرتيفيكات بەرىلەدى. ودان كەيىن تالىمگەر, قورعانشىلىق جانە قامقورشىلىق ورگانى, سونداي-اق ءبىلىم بەرۋ ۇيىمى اراسىندا رەسمي كەلىسىم جاسالادى.