قازاقستان ۇلتتىق بانكى باسقارماسىنىڭ كەزەكتى وتىرىسىندا جاڭا ديزاينداعى 1 000 تەڭگەلىك بانكنوتا اينالىمعا قاشان شىعارىلاتىندىعى بەلگىلى بولدى, دەپ حابارلايدى Egemen.kz.
بۇل جايلى بۇگىن قر ۇلتتىق بانكىنىڭ رەسمي سايتىندا مالىمدەندى.
«2025 جىلعى 28 ناۋرىزدان باستاپ 2024 جىلعى ۇلگىدەگى وزگەرتىلگەن ديزاينى بار 1 000 تەڭگەلىك بانكنوتانى اينالىمعا شىعارۋ تۋرالى شەشىم قابىلداندى», دەلىنگەن اقپاراتتا.سونداي-اق 2025 جىلى ەكى جاڭا كوللەكتسيالىق مونەتا – «GRIFFIN» («كوشپەندىلەر اڭىزى مەن ميفتەرى» سەرياسىنان) جانە «OTYRAR» («قازاقستاندى مونەتالار ارقىلى زەرتتە» سەرياسىنان) مونەتالارىن شىعارۋ ءارى اينالىمعا ەنگىزۋ ماسەلەسى بەكىتىلدى.