شەتەلگە شىعۋدى جوسپارلاعان ءاربىر ازامات ساپارىنىڭ ەش كەدەرگىسىز بولۋىن قالايدى. الايدا تولەنبەگەن قارىز, سالىق, اليمەنت كەسىرىنەن شەكارادان وتۋگە شەكتەۋ قويىلۋى مۇمكىن. مۇنداي جاعدايعا تاپ بولماس ءۇشىن ازاماتتار «eGov.kz» پورتالى نەمەسە «eGov Mobile» قوسىمشاسى ارقىلى شەتەلگە شىعۋعا تىيىمنىڭ بار-جوعىن تەكسەرە الادى.
ەگەر قارىز سوماسى 40 ايلىق ەسەپتىك كورسەتكىشتەن اسسا نەمەسە ءۇش ايدان استام اليمەنت تولەنبەسە, سوتتىڭ شەشىمىمەن شەتەلگە شىعۋعا تىيىم سالىنادى. ال شەكتەۋ بار-جوعىن تەكسەرۋ ءۇشىن «eGov.kz» پورتالىندا ازاماتتارعا ارنالعان بولىمنەن شەتەلگە شىعۋ ءبولىمىن تاڭداپ, بورىشكەرلەر ءتىزىمىن تەكسەرۋ قىزمەتىن پايدالانىپ, جەكە سايكەستەندىرۋ ءنومىرىن ەنگىزىپ, سۇراۋ جىبەرۋ قاجەت. سونداي-اق «eGov Mobile» قوسىمشاسىندا قىزمەتتەر بولىمىنەن ساياحات جانە شەتەلدەگى ءومىر ءبولىمىن اشىپ, بورىشكەرلەر ءتىزىمىن تەكسەرۋ قىزمەتىن تاڭداپ, جسن ەنگىزىپ تەكسەرىپ كورۋگە بولادى. شەكتەۋ قويىلعان بولسا, ۇلتتىق قاۋىپسىزدىك كوميتەتىنىڭ شەكارا قىزمەتى ونى تىركەپ, ءسىزدى كەرى قايتارادى. سونىمەن قاتار شەكتەۋدى اتقارۋشىلىق ءىس جۇرگىزۋ ورگاندارىنىڭ اقپاراتتىق جۇيەسى ارقىلى دا تەكسەرۋگە بولادى. قىزمەت تەگىن كورسەتىلەدى.