JAS.BRANDS اگەنتتىگىنىڭ SAF Qymyz جوباسى نيۋ-يوركتە وتكەن DIELINE Awards 2026 حالىقارالىق سىيلىعىنىڭ التىن جۇلدەسىن جەڭىپ الدى. بۇل تۋرالى الماتى قالاسىنىڭ تۋريزم باسقارماسى حابارلادى, دەپ جازادى Egemen.kz.
جوبا الكوگولسىز جانە ءالسىز الكوگولدى سۋسىنداردىڭ تۇجىرىمدامالىق ديزاينى اتالىمىندا ۇزدىك دەپ تانىلىپ, الەمنىڭ تۇكپىر-تۇكپىرىنەن كەلگەن 1500-دەن استام جۇمىستى باسىپ وزعان.
قازاقستاندا قىمىز ءوندىرىسى ارتتى
SAF Qymyz – ءداستۇرلى قىمىزدى زاماناۋي ۇلگىدە جاڭاشا ۇسىنعان جوبا. قازاقتىڭ كەسەسىنەن شابىت العان اۆتورلار اليۋميني قۇتىسىنىڭ ديزاينىن مينيماليستىك ۇلگىدە ازىرلەگەن. ال «SAF» اتاۋى قازاق تىلىندەگى «ساف», «تازا» دەگەن ماعىنانى بىلدىرەدى.
«DIELINE Awards الەمدەگى قاپتاما ديزاينى بويىنشا ەڭ بەدەلدى ماراپاتتاردىڭ ءبىرى سانالادى. SAF Qymyz جوباسىنىڭ جەڭىسى وتاندىق كرەاتيۆتى يندۋستريانىڭ الەۋەتىن كورسەتىپ, الماتىدان شىققان جوبالاردىڭ حالىقارالىق دەڭگەيدە مويىندالىپ جاتقانىن دالەلدەي ءتۇستى», دەلىنگەن حابارلامادا.
جەتىسۋدىڭ بال قىمىزى
باسقارما وكىلدەرىنىڭ ايتۋىنشا, مۇنداي باستامالار الماتى قالاسىنىڭ ۇلتتىق مادەنيەتتى ديزاين, گاسترونوميا جانە شىعارماشىلىق يندۋستريا ارقىلى جاڭعىرتا الاتىن زاماناۋي كرەاتيۆتى ورتالىق رەتىندەگى بەدەلىن ارتتىرا تۇسەدى.