سي تسزينپين پەكيندە اقش پرەزيدەنتى دونالد ترامپتى سالتاناتتى تۇردە قابىلدادى. كەزدەسۋ حالىق جينالىس ءۇيى عيماراتىندا ءوتتى, دەپ حابارلايدى Egemen.kz.
الدىن الا اقپارات بويىنشا تاراپتار ەكىجاقتى قاتىناستاردىڭ كەڭ اۋقىمىن, سونىڭ ىشىندە حالىقارالىق كۇن ءتارتىبىن تالقىلاعان.
كەلىسسوزدەردىڭ نەگىزگى تاقىرىپتارىنىڭ ءبىرى يرانعا قاتىستى بولۋى مۇمكىن دەپ بولجانىپ وتىر. ۆاشينگتون قىتايدىڭ ورمۇز بۇعازى ايماعىنداعى شيەلەنىستى شەشۋگە كومەكتەسەدى دەپ ۇمىتتەنەدى. بۇل ايماق الەمدىك ەنەرگەتيكا ءۇشىن ستراتەگيالىق ماڭىزعا يە.
دونالد ترامپ قىتايمەن دوستىق قارىم-قاتىناستا بولۋ وزىنە ۇلكەن قۇرمەت ەكەنىن ايتىپ, ەكى ەل اراسىنداعى قاتىناستاردىڭ جاقساراتىنىنا سەنىم ءبىلدىردى.
ء«سىزدىڭ دوسىڭىز بولۋ مەن ءۇشىن ۇلكەن قۇرمەت, قىتاي مەن اقش اراسىنداعى قارىم-قاتىناس بۇرىن-سوڭدى بولماعان دەڭگەيدە جاقسارادى», دەدى اق ءۇي باسشىسى.
ترامپ الەۋمەتتىك جەلىدە ۆەنەسۋەلانى اقش-تىڭ 51-شتاتى رەتىندە كورسەتتى
ال سي تسزينپين قىتاي مەن اقش «باسەكەلەس ەمەس, سەرىكتەس بولۋى ءتيىس» ەكەنىن اتاپ ءوتتى, بۇل تەك ەكى ەل ءۇشىن عانا ەمەس, بۇكىل الەم ءۇشىن ماڭىزدى ەكەنىن ايتتى.
دونالد ترامپ يرانمەن كەلىسىمگە كەلۋ ءۇشىن اسكەري وپەراتسيانى توقتاتتى
كەزدەسۋگە اقش ۇكىمەتى مەن بيزنەس وكىلدەرى دە قاتىستى. ولاردىڭ قاتارىندا ماركو رۋبيو, قارجى ءمينيسترى سكوتت بەسسەنت, قورعانىس ءمينيسترى پيت حەگسەت, سونداي-اق Apple مەن Tesla كومپانيالارىنىڭ باسشىلارى تيم كۋك پەن يلون ماسك بار.