الماتىنىڭ تەرگەۋ سوتى قوعام بەلسەندىسى سانجار بوقاەۆتى قاماۋ مەرزىمىن ۇزارتتى. بۇل تۋرالى ونىڭ ادۆوكاتى رادمير وتەپوۆ مالىمدەدى, دەپ حابارلايدى Egemen.kz.
قورعاۋشىنىڭ ايتۋىنشا, سانجار بوقاەۆ 18 ماۋسىمعا دەيىن قاماۋدا بولادى. ول 18 ناۋرىزدا الماتى قالاسىندا تۇتقىندالعان بولاتىن. سوت تەرگەۋ بارىسىندا ونى ەكى ايعا قاماۋعا الۋعا سانكتسيا بەردى.
بۇعان دەيىن باس پروكۋروردىڭ ورىنباسارى ەرلان وتەگەنوۆ بەلسەندىگە قاتىستى تەرگەۋ ەكى باپ بويىنشا جۇرگىزىلىپ جاتقانىن ايتقان. ونىڭ العاشقىسى ۇلكەن كولەمدەگى الاياقتىق ىسكە قاتىستى.
باس پروكۋراتۋرا سانجار بوقاەۆتىڭ ءىسى بويىنشا جاڭا مالىمەتتەردى جاريالادى
باس پروكۋراتۋرا وكىلىنىڭ ايتۋىنشا, بۇل جاعداي قوعام بەلسەندىسىنىڭ ۇلتتىق كومپانيادا جۇمىس ىستەگەن كەزەڭىنە بايلانىستى. اشىق دەرەكتەرگە سۇيەنسەك, سانجار بوقاەۆ 2015-2018 جىلدار ارالىعىندا «قازترانسگاز» اق باسقارما توراعاسىنىڭ كەڭەسشىسى بولعان.
ەكىنشى ايىپتاۋ ءىسى الماتىداعى اعاشتار مەن بۇتالاردى زاڭسىز كەسۋگە قاتىستى. تەرگەۋشىلەردىڭ ايتۋىنشا, بوقاەۆ اقشالاي سىياقى الۋ ءۇشىن از قامتىلعان ازاماتتاردى اعاش كەسۋگە تارتا وتىرىپ, كەيىن الەۋمەتتىك جەلىدە بەينەجازبانى تاراتىپ, قوعامدا نارازىلىق تۋدىرۋى مۇمكىن.
اسا ءىرى مولشەردەگى الاياقتىق جانە جالعان اقپارات: الماتىدا سانجار بوقاەۆ ۇستالدى
ايىپتالۋشىنىڭ ارەكەتىنە بايلانىستى قۇقىقتىق باعانى سوت بەرەدى.