مارانا اۋەجايىنىڭ ۇستىندە ەكى ۇشاق سوقتىعىستى

ۇلتتىق كولىك قاۋىپسىزدىگى كەڭەسىنىڭ (NTSB) مالىمەتىنشە, سوقتىعىس جەرگىلىكتى ۋاقىت بويىنشا تاڭعى ساعات 8:29-دا بولعان. ولار شاعىن اۋەجايدىڭ  12-جولاعىنا جاقىنداعان كەزدە سوقتىعىسقان.

سوقتىعىس سالدارىنان  ءبىر ۇشاق قۇلاپ, ورتەنىپ, ءۇيىندى مەتالل مەن كۇلگە اينالعان. ەكىنشى ۇشاق جەرگە قونا العان. وعان كەلگەن زاقىمنىڭ كولەمى ءالى انىقتالماعان. 

ايتا كەتەيىك, اۋەجايدىڭ ۇستىنەن قويۋ قارا ءتۇتىن كوتەرىلىپ جاتقاندا, توتەنشە جاعدايلار قىزمەتى اپات ورنىنا جەتكەن.

اقش فەدەرالدى اۆياتسيا باسقارماسىنىڭ (FAA) مالىمەتىنشە, ءار ۇشاقتا ەكى ادام بولعان. وقيعا ورنىندا ەكى ادام كوز جۇمعان, ال قالعان ەكى جولاۋشىنىڭ جاعدايى ءالى بەلگىسىز.

اپات ورنىندا NTSB جانە FAA وكىلدەرى وقيعانىڭ سەبەپتەرىن انىقتاپ جاتىر, ال ساراپشىلار سوقتىعىسقانعا دەيىنگى  ۇشقىشتاردىڭ راديوبايلانىستارىن تالداۋ ۇستىندە.