پرەمەر-مينيستر ولجاس بەكتەنوۆ سالالىق مينيسترلىكتەر مەن مەملەكەتتىك ۇيىمدار باسشىلىعىنىڭ قاتىسۋىمەن كولىك جانە لوگيستيكالىق ينفراقۇرىلىمىن دامىتۋ ماسەلەلەرى جونىندەگى وتاندىق كاسىپكەرلەر كەڭەسىنىڭ وتىرىسىن وتكىزدى, دەپ جازادى Egemen.kz.
تاراپتار سالاداعى وزەكتى ماسەلەلەردى ساراپقا سالدى. بيزنەس وكىلدەرى جەكە ينۆەستيتسيالاردى ەنگىزۋدەگى جانە سالاداعى جاڭا ينفراقۇرىلىمدىق جوبالاردى ىسكە اسىرۋداعى اكىمشىلىك كەدەرگىلەردى مالىمدەدى. ەلىمىزدەگى بيزنەس-احۋالدى جاقسارتۋ ءۇشىن رەتتەۋشى نورمالاردى جەتىلدىرۋگە قاتىستى ۇسىنىستارىن ايتتى.
«كونكۋرەنت-ب» جشس باس ديرەكتورى باقىتبەك قادىروۆ تەمىرجول سالاسىنا جەكە ينۆەستيتسيالاردى تارتىپ, ەكونوميكالىق ءوسۋ الەۋەتى بار وڭىرلەردە جاڭا جولدار سالۋدى ۇسىندى.
پرەمەر-مينيستر تەمىرجول قۇرىلىسىنا جەكە ينۆەستيتسيالارعا قاتىستى باستامانى قولداپ, كولىك مينيسترلىگىنە بيىلعى 1 ناۋرىزعا دەيىن ينۆەستيتسيالاردى قايتارۋ تەتىگى بويىنشا ناقتى ۇسىنىستار ەنگىزۋدى تاپسىردى.
«سارى-ارقا» حالىقارالىق اۋەجايى» اق باس ديرەكتورى ەرلان وسپانوۆ شاعىن اۆياتسيا ينفراقۇرىلىمى ءۇشىن اۋە حابتارىن دامىتۋ تۋرالى باستاما كوتەردى. اۋەجايلاردى جۇيەلى دامىتۋ, ولاردىڭ ەكونوميكالىق تۇراقتىلىعىن ارتتىراتىنىنا باسا نازار اۋدارىلدى. پرەمەر-مينيستر باستامالارعا قولداۋ ءبىلدىرىپ, اۋەجايلاردىڭ جۇمىسى ءۇشىن باسەكەگە قابىلەتتى جاعداي جاساۋدىڭ ماڭىزدىلىعىن اتاپ ءوتتى. اتالعان ماسەلەگە قاتىستى ەگجەي-تەگجەيلى پىسىقتاۋ جانە شەشىم قابىلداۋ ءۇشىن قوسىمشا كەزدەسۋلەر وتكىزىلەدى.
وسى كەزدەسۋ قورىتىندىسى بويىنشا ولجاس بەكتەنوۆ كولىك ينفراقۇرىلىمىن دامىتۋ مەملەكەت پەن بيزنەستىڭ بەلسەندى ءوزارا ءىس-قيمىلىن قاجەت ەتەتىنىن باسا ايتتى. مەملەكەتتىك بيۋدجەت سالانىڭ بارلىق قاجەتتىلىگىن وتەي المايتىنىن, جەكە ينۆەستيتسيالار تارتۋعا باسىمدىق بەرىلەتىنىن اتاپ ءوتتى.