اقتوبە وبلىسى, قاندىاعاش اۋىلىنان 2 شاقىرىم جەردە «گازەل» قارعا باتىپ قالعان. كولىكتە ەكى ادام بولعان, دەپ حابارلايدى Egemen.kz.
قۇتقارۋشىلار كولىكتى قاردان سۇيرەپ شىعارعان. جولاۋشىلار ءدىن امان كۇيىندە ارى قاراي جولعا شىعىپ كەتكەن.
وسىنداي وقيعا ۇلىتاۋ وبلىسىندا دا ورىن العان. جاڭاارقا اۋدانىنا قاراستى اقتاستى اۋىلىنان 10 شاقىرىم قاشىقتا قار قۇرساۋىندا قالعان كولىكتەن ەكى ادام قۇتقارىلعان.
توتەنشە جاعدايلار قىزمەتى كۇن رايى تۋرالى حابارلاماعا نازار اۋدارۋدى جانە بوراندا ەلدى مەكەننەن تىسقارى شىقپاۋدى ەسكەرتەدى. ويتكەنى بوران سوقپاعاننىڭ وزىندە سىرما ءجۇرىپ, جولدى قار باسىپ قالۋى مۇمكىن.