قازاقستان ازاماتشالارى تۇركيا باعىتىنداعى ۇشاقتا جانجالداسىپ, توبەلەس شىعارعان. جاعداي قاتتى ۋشىققاننان كەيىن ەكيپاج كومانديرى ۇشاقتى قوندىرۋعا ءماجبۇر بولعان, دەپ حابارلايدى Egemen.kz.
Pegasus Airlines اۋە كومپانياسىنىڭ استانا-انتاليا باعىتىنداعى رەيسى شۇعىل تۇردە تۇركيانىڭ ەرزۋرۋم قالاسىنداعى اۋەجايعا قونعان. جانجالعا قاتىسى بار 4 ادام ۇشاقتان ءتۇسىرىلىپ, مەديتسينالىق تەكسەرۋدەن وتكەن. كەيىننەن تاراپتار قالالىق پوليتسيا بولىمشەسىنە جەتكىزىلىپ, ءبىر-بىرىنە شاعىم تۇسىرگەن.
«Clash Report مالىمەتى بويىنشا, وقيعاعا بايلانىستى جوسپارلانباعان قونۋ مەن قايتا جانارماي قۇيۋ ءۇشىن ايەل كىسىلەرگە 120 مىڭ دوللار (54 ميلليون تەڭگە) ايىپپۇل سالىنادى», دەلىنگەن حابارلامادا.