جوعارعى سوت, سۋديالار وداعىنىڭ جوعارعى سوت جانە استانا قالاسى بويىنشا فيليالدارى, سونداي-اق استانا قالالىق سوتى سۋديالار مەن سوت قىزمەتكەرلەرىنىڭ قىسقى سپارتاكياداسىن وتكىزدى, دەپ جازادى Egemen.kz.
جارىستىڭ اشىلۋ سالتاناتىندا جوعارعى سوت توراعاسى اسلامبەك مەرعاليەۆ پەن استانا قالالىق سوتىنىڭ توراعاسى اقان جۇماعۇلوۆ قاتىسۋشىلارعا سپورتتىق باسەكەدە جەڭىس تىلەدى.
ا.مەرعاليەۆ بۇل تۋرنير قاتىسۋشىلاردىڭ سپورتتىق رۋح پەن سالاۋاتتى ءومىر سالتىن ۇستانۋىن نىعايتا تۇسەتىنىنە سەنىم ءبىلدىردى.
شاڭعى جارىسىنا ەلوردالىق سوتتاردىڭ 50-گە جۋىق سۋدياسى مەن سوت اكىمشىلىگىنىڭ قىزمەتكەرلەرى قاتىستى.
جارىس قورىتىندىسى بويىنشا جەڭىمپازدار انىقتالىپ, قاتىسۋشىلاردىڭ جەڭىسكە دەگەن ەرىك-جىگەرلەرى اتاپ ءوتىلدى.
جارىسقا قاتىسۋشىلار, ارقان تارتۋ جانە دوپپەن ويىندار بويىنشا ءوزارا باسەكەگە ءتۇستى.