مەملەكەت باسشىسىنىڭ جارلىعىمەن نۇرىمبەت امان ۇلى ساقتاعانوۆ شىعىس قازاقستان وبلىسىنىڭ اكىمى لاۋازىمىنا تاعايىندالدى, دەپ جازادى Egemen.kz.
نۇرىمبەت امان ۇلى 1970 جىلى تۇركىستان وبلىسىندا دۇنيەگە كەلگەن. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن, ماسكەۋ مەملەكەتتىك ەكونوميكا, ستاتيستيكا جانە ينفورماتيكا ۋنيۆەرسيتەتىن, س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن بىتىرگەن.
ول ءار جىلدارى مەملەكەتتىك قىزمەتتە جاۋاپتى باسشىلىق مىندەتتەرىن اتقارعان.
2007-2012 جىلدارى قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى سىرتقى ينۆەستيتسيا كوزدەرىن جوسپارلاۋ ءبولىمى باسشىسى, اتالعان ءمينيستردىڭ كەڭەسشىسى, ەڭبەك جانە الەۋمەتتىك قورعاۋ مينيسترلىگى ميگراتسيا كوميتەتى توراعاسىنىڭ ورىنباسارى, قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى بولىپ قىزمەت ەتتى.
2012-2021 جىلدارى شىعىس قازاقستان وبلىسى اكىمىنىڭ ورىنباسارى, ءبىرىنشى ورىنباسارى, ۇلان اۋدانىنىڭ جانە سەمەي قالاسىنىڭ اكىمى قىزمەتتەرىن اتقارعان.
2021 جىلدىڭ اقپان ايىنان 2022 جىلدىڭ ماۋسىم ايىنا دەيىن شىعىس قازاقستان وبلىسى جارما اۋدانىنىڭ اكىمى لاۋازىمىندا ەڭبەك ەتتى.
2022 جىلدىڭ 24 ماۋسىمىنان باستاپ وسى ۋاقىتقا دەيىن قىزىلوردا وبلىسى اكىمىنىڭ ورىنباسارى بولدى.
شقو-نىڭ جاڭا اكىمى بۇعان دەيىن ايماق باسشىسىنىڭ ءبىرىنشى ورىنباسارى بولعان. ول بۇل قىزمەتكە 2023 جىلدىڭ قىركۇيەك ايىندا تاعايىندالعان ەدى.