بەلگىلى جۋرناليست جۇلدىز تويبەك "Egemen Qazaqstan" گازەتىنىڭ ۇلىتاۋ وبلىسى بويىنشا ءتىلشىسى بولىپ تاعايىندالدى. جۇلدىز رايىمبەكقىزىن ۇجىمعا «قازاق گازەتتەرى» جشس باس ديرەكتورى ديحان قامزابەك ۇلى تانىستىردى, دەپ حابارلايدى Egemen.kz.
جۇلدىز رايىمبەكقىزى 1967 جىلى 19 اقپاندا قاراعاندى وبلىسىنا قاراستى قارقارالى اۋدانىنىڭ نىعمەت نۇرماقوۆ اتىنداعى اۋىلدا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ تۇلەگى.
1990 جىلدان بەرى قاراعاندى وبلىستىق ورتالىق قازاقستان گازەتىندە جۋرناليست. حالىقارالىق قازاقستان-زامان گازەتىنىڭ قاراعاندى وبلىسى بويىنشا مەنشىكتى ءتىلشىسى.
حالىقارالىق «شابىت» فەستيۆالىنىڭ ديپلوماتى. قازاقستان جۋرناليستەر وداعىنىڭ مۇشەسى. «كوتەردىم اق جەلكەنىن جىر – كەمەنىڭ» اتتى جىر جيناعىنىڭ اۆتورى.