مەملەكەت باسشىسى قاسىم-جومارت توقاەۆ كۇنى كەشە مەرزىمدى اسكەري قىزمەتكە شاقىرۋ تۋرالى جارلىققا قول قويدى, دەپ حابارلايدى Egemen.kz.
جارلىق «اسكەرگە شاقىرۋدى كەيىنگە قالدىرۋعا نەمەسە بوساتۋعا قۇقىعى جوق 18 بەن 27 جاس ارالىعىنداعى ەر ازاماتتاردى قازاقستان رەسپۋبليكاسىنىڭ قارۋلى كۇشتەرىنە, ىشكى ىستەر مينيسترلىگىنە, توتەنشە جاعدايلار مينيسترلىگىنە, ۇلتتىق قاۋىپسىزدىك كوميتەتىنە, مەملەكەتتىك كۇزەت قىزمەتىنە مەرزىمدى اسكەري قىزمەتكە شاقىرۋعا» قاۋلى ەتەدى.
2025 جىلى اسكەرگە شاقىرۋ جاسىنداعى 42000-نان استام ازامات شاقىرىلۋعا جاتادى.
«اسكەرگە شاقىرىلۋشىلاردى حاباردار ەتۋ شاقىرۋ قاعازدارى مەن SMS-حابارلامالار ارقىلى جۇزەگە اسىرىلاتىن بولادى. حابارلامانى العاننان كەيىن ولار مەديتسينالىق كوميسسيادان ءوتۋ ءۇشىن تۇرعىلىقتى جەرى بويىنشا جەرگىلىكتى اسكەري باسقارۋ ورگاندارىنا بارۋعا مىندەتتى. ول ازاماتتاردىڭ مەرزىمدى قىزمەتكە جارامدىلىق دەڭگەيىن انىقتايدى», دەلىنگەن قورعانىس مينيسترلىگى تاراتقان حابارلامادا.
ايتا كەتەيىك, اسكەري قىزمەت وتكەرۋدىڭ بارلىق كەزەڭىندە ساربازدار تاماقپەن, زاتتاي م ۇلىكپەن, جەكە گيگيەنا قۇرالدارىمەن جانە اي سايىنعى اقشالاي ۇلەسپەن قامتاماسىز ەتىلەدى. ولارعا مەديتسينالىق قىزمەتتەر كورسەتىلەدى جانە پوشتا جونەلتىلىمدەرى ءۇشىن وتەماقى تولەنەدى.