بۇگىن قازاقستاننىڭ حالىق ءارتىسى, مەملەكەتتىك سىيلىقتىڭ يەگەرى, كورنەكتى ءانشى-كومپوزيتور ەسكەندىر حاسانعاليەۆتىڭ تۋعان كۇنى. ونەر يەسىنىڭ 85 جىلدىق مەرەيتويىنا وراي ونىڭ تۋعان جەرى باتىس قازاقستان وبلىسى قاراتوبە اۋدانىنىڭ ورتالىعىندا مىڭعا جۋىق تۇرعىن جينالىپ, «اتامەكەن» ءانىن شىرقادى.
«قادىرلى ونەرسۇيەر اعايىن! قاراتوبە اۋدانى - ءۇش جۇزگە ءان وزدىرعان سال مۇحيت, عاريفوللا قۇرمانعاليەۆ, ەسكەندىر حاسانعاليەۆتاي ونەر مايتالماندارى دۇنيەگە كەلگەن قاسيەتتى ولكە. ءبىز, قاراتوبەلىكتەر وسىنداي ونەر مايتالماندارىن ارقاشان ماقتان تۇتامىز. بۇگىن ەل ماقتانىشىنا اينالعان ەسكەندىر اعانى ساعىنا ەسكە الىپ, ونەرىن ۇلىقتاپ, اسقاق رۋحىن جادىمىزعا ساقتاي وتىرىپ, «اتامەكەن» ءانىن اۋدان حالقى بولىپ بىرگە شىرقايمىز», دەدى جينالعان توپتىڭ الدىندا قاراتوبە اۋدانىنىڭ اكىمى قادىرجان سۇيەۋعاليەۆ.
ايگىلى كومپوزيتور مەن اقىن قادىر مىرزا ءاليدىڭ شىعارماشىلىق وداعىنان تۋعان «اتامەكەن» ءانى – كۇللى قازاقستاندىقتىڭ جۇرەگىنە بەكىگەن, تۋعان جەرگە دەگەن ماحابباتىن, ساعىنىشىن بەينەلەيتىن شوقتىعى بيىك دۇنيە.