قوبدا اۋداندىق ءبىلىم ءبولىمىنىڭ باسشىسى تالعات ابەن وقۋشىلاردىڭ جان-جاقتى دامۋىن قامتاماسىز ەتەتىن ء«بىرتۇتاس تاربيە» تسيفرلىق پلاتفورماسىن ىسكە قوستى, دەپ حابارلايدى Egemen.kz.
بۇل جوبا وقۋشىلاردىڭ تسيفرلىق ساۋاتتىلىعىن ارتتىرىپ, الەۋمەتتىك بەيىمدەلۋىن قامتاماسىز ەتۋگە, ۇلتتىق قۇندىلىقتاردى دارىپتەۋ مەن قاۋىپسىز ءبىلىم بەرۋ ورتاسىن قالىپتاستىرۋعا باعىتتالعان.
زاماناۋي تەحنولوگيالار ءبىلىم بەرۋ ۇدەرىسىن وڭتايلاندىرۋمەن قاتار, تاربيە سالاسىنا دا تىڭ سەرپىن بەرىپ وتىر. ء«بىرتۇتاس تاربيە» پلاتفورماسى وسى باعىتتا جاسالعان العاشقى جوبالاردىڭ ءبىرى. ونىڭ كومەگىمەن مەكتەپ پەن اتا-انا اراسىنداعى بايلانىس نىعايىپ, وقۋشىلاردىڭ ۇلتتىق قۇندىلىقتارعا دەگەن قىزىعۋشىلىعى ارتپاقشى.
پلاتفورما قۇرامىنا ەنگەن «قامقور», «Smart bala», «شابىت», «ەڭبەگى ادال جاس وركەن», «بالالار كىتاپحاناسى» جوبالارىمەن قاتار اتا-انالاردى پەداگوگيكالىق قولداۋعا ارنالعان بولىمدەر دە كىرىستىرىلگەن. تسيفرلىق پلاتفورما كومەگىمەن وقۋشىلار مەن مۇعالىمدەر, اتا-انالار مەكتەپتەگى كۇندەلىكتى ءىس-شارالاردى باقىلاپ, فوتوگالەرەيالار, ادىستەمەلىك ۇسىنىمدار, مونيتورينگ جانە ستاتيستيكالىق دەرەكتەر ارقىلى تاربيە جۇمىسىنىڭ تيىمدىلىگىن باقىلايدى. تالعات ابەن وسى جوبانى ءموبيلدى قوسىمشا رەتىندە قولدانىسقا ەنگىزۋگە كىرىسىپ كەتتى.