اتالعان وبلىسقا قاراستى قاندىاعاش قالاسىنداعى «سامال» بالاباقشاسىندا بالالارعا بەرىلگەن بوتقادان قۇرت پەن قوڭىز تابىلعانىن بۇعان دەيىن جازعان بولاتىنبىز. وسى وقيعاعا وراي سانيتار ماماندار تەكسەرۋ جۇرگىزگەن, دەپ حابارلايدى Egemen.kz.
قۇرت قاپتاعان بوتقانى الدىمەن كورگەن تاربيەشىلەر دابىل قاققان.تاڭعى تاعامدا قۇرت پەن قوڭىزدىڭ ءورىپ جۇرگەنىنە اسپازدار دا, مەيىربيكە دە كوڭىل اۋدارماپتى. باستىسى, بالالار اۋىز ءتيىپ ۇلگەرمەگەن.
اقتوبە وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى لاۋرا رشاۋوۆانىڭ ايتۋىنشا تاماق ونىمدەرىن ساقتاۋ كەزىندە تەمپەراتۋرا, ىلعال رەجيمى بۇزىلعان.
سونىمەن قاتار بالاباقشا قويماسى سالىستىرمالى ىلعالدى باقىلاۋ اسپاپتارىمەن جابدىقتالماعان. تەكسەرگەن كەزدە جارما ساقتالاتىن قويمادان جاندىكتەر تابىلعان. تاۋلىك سىناماسىندا س ۇلى بوتقاسىنان قالعان سىنامادا قوڭىزدار انىقتالعان.
ktk.kz اقپاراتىندا بالاباقشاعا 450 مىڭ تەڭگەدەي ايىپپۇل سالىنعانى ايتىلعان.