2024 جىلدىڭ قاڭتار-جەلتوقسان ايلارىندا قازاقستاننان باسقا مەملەكەتكە شامامەن 12,8 مىڭ ادام كوشىپ كەتكەن. بۇل وتكەن جىلعا قاراعاندا 20%-عا از, دەپ حابارلايدى Egemen.ءkz بىرىنشى كرەديتتىك بيۋروعا سىلتەمە جاساپ.
ايتا كەتەيىك, قازىرگى كورسەتكىشى تاۋەلسىزدىك العاننان بەرگى ەڭ تومەنگى دەڭگەي.
وسى كەزەڭدە قازاقستانعا تۇراقتى قونىس اۋدارىپ كەلگەندەر سانى 29,9 مىڭ ادامنان اسقان, بۇل وتكەن جىلمەن سالىستىرعاندا 18%-عا كوپ. بۇل كورسەتكىش تاريحي رەكورد بولىپ سانالماسا دا, بۇدان جوعارى دەڭگەي سوڭعى رەت 2011 جىلى تىركەلگەن.
«وسىلايشا, كوشى-قون سالدوسى – كەلگەندەر سانى مەن كەتكەندەر سانىنىڭ ايىرماسى – ەكىنشى جىل قاتارىنان وڭ ايماقتا قالىپ وتىر. بۇل جولى ول 17,2 مىڭ ادامعا جۋىقتادى. بۇل 2006 جىلدان بەرگى ەڭ جاقسى ناتيجە. 2012-2022 جىلدار ارالىعىندا كوشى-قون سالدوسى جىل سايىن تەرىس ماندە بولعان. ياعني, قازاقستاننان كەتۋشىلەر سانى كەلگەندەر سانىنان كوپ بولدى», دەلىنگەن حابارلامادا.
10 ادامنىڭ جەتەۋى رەسەيگە كوشكەن. ودان كەيىن گەرمانياعا كوشۋشىلەر ۇلەسى ارتىپ كەلەدى (16%). ال, ەلگە تۇراقتى قونىس اۋدارۋشىلاردىڭ باسىم ۇلەسى وزبەكستان (10 ادامنىڭ 4-ەۋى) جانە رەسەيگە (يمميگرانتتاردىڭ 27%-ى) تيەسىلى. قىتايدان كەلۋشىلەر 7%, موڭعوليادان 5%-دى قۇراعان.