شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بۇرىنعى سۋديا جانات ءمۇسىرالى, ادۆوكات مۇرات دجاحاەۆ جانە ايدار التاەۆقا قاتىستى الاياقتىق ءىسى قارالدى, دەپ حابارلايدى Egemen.kz.
ولار سوتتالۋشىنىڭ جۇبايىنان ۇكىمدى جەڭىلدەتۋ ءۇشىن 110 ميلليون تەڭگە كولەمىندە پارا الۋعا ارەكەتتەنگەن دەپ ايىپتالدى. ءىس ماتەريالدارىنا سايكەس, التاەۆ دوسىنىڭ ايەلىنە جازانى جەڭىلدەتۋگە كومەكتەسۋگە ۋادە بەرگەن, ال ادۆوكات دجاحاەۆ بۇل ماسەلەمەن سۋديا مۇسىرالىگە جۇگىنگەن. ناتيجەسىندە, ولار جابىرلەنۋشىنى الداپ, ونىڭ اقشاسىن يەمدەنگەن.
سىبايلاس جەمقورلىققا قارسى ءىس-قيمىل اگەنتتىگى بۇل ءىستى تەرگەپ, 2024 جىلدىڭ 5 جەلتوقسانىندا باس پروكۋراتۋراعا جولدادى. سوت ۇكىمىنە سايكەس, ءمۇسىرالى ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىلىپ, 7,5 جىلعا تۇرمەگە توعىتىلدى.
دجاحاەۆتان 7 جىلعا ادۆوكاتتىق قىزمەتپەن اينالىسۋ قۇقىعى الىنىپ, 6 جىل 8 ايعا باس بوستاندىعىنان ايىرىلدى;
التاەۆ 5 جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.