باس پروكۋرور بەرىك اسىلوۆ بالالاردىڭ قاۋىپسىزدىگىن قامتاماسىز ەتۋ باعىتىندا اتقارىلىپ جاتقان شارالاردى باياندادى, دەپ جازادى Egemen.kz.
بەرىك اسىلوۆتىڭ ايتۋىنشا, پروكۋرورلار قاۋىپ-قاتەر ايماعىنداعى 63 مىڭ وتباسىنى ارالاعان. تەكسەرۋلەردەن كەيىن بالا اسىراپ العان اتا-انالار مەن قامقورشىلارعا قاتىستى 93 سوتقا دەيىنگى تەرگەۋ باستالعان.
ال 11 مىڭ اتا-انا مەن زاڭدى وكىل بالا تاربيەسىندەگى مىندەتتەرىن ورىنداماعان. اسا اۋىر جاعدايدا قالعان 342 بالا مەملەكەت قامقورلىعىنا الىنعان.
«54 اتا-انانىڭ قۇقىقتارىن شەكتەۋ جانە 92 اتا-انا قۇقىعىنان تولىق ايىرۋ تۋرالى تالاپ-ارىزدار بەرىلدى. مىڭنان استام وتباسىعا ماتەريالدىق كومەك كورسەتىلدى (العاشقى كومەك زاتتارى, ازىق-ت ۇلىك, وقۋ قۇرالدار, كومىر جانە باسقالارى). 1 مىڭنان استام وتباسىعا تۇرعىن ءۇي ماسەلەسى بويىنشا قولداۋ كورسەتىلدى. 10 مىڭ وتباسىعا مەديتسينالىق جانە الەۋمەتتىك كومەك ۇسىنىلدى. بالالارعا 4,5 ملرد تەڭگە كولەمىندە اليمەنت ءوندىرىپ الىندى», دەدى باس پروكۋرور.
بەرىك اسىلوۆ «URPAQ» جوباسى اياسىندا اتقارىلىپ جاتقان جۇمىستاردىڭ ناتيجەسىن ءبولىستى. بالالاردىڭ قۇقىقتارىن بۇزىلعان جاعدايدا مالىمەت بەرۋگە ارنالعان Telegram چات-بوتتارى ىسكە قوسىلعان. مەكتەپ پەن مەملەكەتتىك مەكەمەلەردە, قوعامدىق ورىنداردا ماسەلەنى جەدەل جەتكىزۋ ءۇشىن QR-كودتار ورناتىلعان.
«قىسقا ۋاقىت ىشىندە وقۋشىلار مەن مۇعالىمدەر تاراپىنان ورىن العان بۇزاقىلىق پەن بۋللينگ تۋرالى 1 809 حابارلاما ءتۇستى. تەكسەرۋ ناتيجەلەرى بويىنشا 192 ادام اكىمشىلىك جاۋاپكەرشىلىككە تارتىلدى. 1 617 اداممەن پروفيلاكتيكالىق اڭگىمەلەر مەن ءتۇسىندىرۋ جۇمىستارى جۇرگىزىلدى», دەدى بەرىك اسىلوۆ.