ۇلتتىق قاۋىپسىزدىك كوميتەتى پروكۋراتۋرانىڭ ۇيلەستىرۋىمەن دەنساۋلىق ساقتاۋ مينيسترلىگىنىڭ اقپاراتتىق جۇيەلەرىنە زاڭسىز قول جەتكىزگەن جەتىسۋ وبلىسىنىڭ تۇرعىندارىنا قاتىستى قىلمىستىق ءىستى تەرگەۋدى اياقتادى, دەپ حابارلايدى Egemen.kz.
30 قاڭتاردا تالدىقورعان سوتىنىڭ قاۋلىسىمەن قىلمىستىق كودەكستىڭ 205-بابىنىڭ 2-بولىگىندە جانە 208-بابىنىڭ 2-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلىپ, ولارعا 300 اەك كولەمىندە ايىپپۇل سالىندى.
«تەرگەۋ مەديتسينالىق قىزمەتكەرلەردىڭ ەسەپشوتىن زاڭسىز يەمدەنۋ ارقىلى دەنساۋلىق ساقتاۋ مينيسترلىگىنىڭ «قوسىمشا حالىق ءتىزىلىمى» جانە «Damumed» اقپاراتتىق جۇيەلەرىنە رۇقساتسىز قول جەتكىزگەنىن انىقتادى», دەلىنگەن حابارلامادا.