استانا. 6 اقپان. بۇگىن الماتىداعى بالۋان شولاق اتىنداعى سپورت سارايىندا قازاقستان رەسپۋبليكاسى ات سپورتى فەدەراتسياسىنىڭ ەسەپ بەرۋ-سايلاۋ وتىرىسى وتكىزىلىپ, ونىڭ قورىتىندىسىندا تەمىرحان دوسمۇحامبەتوۆ ءبىر اۋىزدان فەدەراتسيا پرەزيدەنتى بولىپ سايلاندى. بۇل تۋرالى Egemen.kz ءتىلشىسى حبارلادى.
تەمىرحان دوسمۇحامبەتوۆ – قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, قازاقستان ۇلتتىق وليمپيالىق كوميتەتىنىڭ پرەزيدەنتى. ەندى ول جاڭا قوعامدىق جۇمىسىن وسى مىندەتتەرىنە قوسىپ اتقاراتىن بولادى.
ال اتالمىش فەدەراتسيانىڭ بۇرىنعى پرەزيدەنتى الەكساندر ماشكەۆيچ وسى قوعامدىق ۇيىمنىڭ قۇرمەتتى پرەزيدەنتى بولىپ سايلاندى. ەسكە سالا كەتەيىك, ماشكەۆيچ مىرزا وسىناۋ وليمپيالىق سپورت ءتۇرىنىڭ فەدەراتسياسىن ول العاش قۇرىلعان كەزدەن باسقارىپ كەلدى.
وتىرىستا سونداي-اق فەدەراتسيانىڭ ۆيتسە-پرەزيدەنتى ءارى باس حاتشىسى بولىپ بەلگىلى سپورت فۋنكتسيونەرى پيتەر بەرگمان سايلاندى. ونىڭ اتى ءبىزدىڭ كوپتەگەن تانىمال سپورتىلارىمىز تۋراسىنداعى فيلمدەردىڭ پروديۋسەرى ءارى ستسەناريسى رەتىندە دە بەلگىلى.
دامير قوجامقۇل.
دەرەك, فوتو: Egemen.kz.