استانا. 6 اقپان. وڭتۇستىك قازاقستان وبلىسى سارىاعاش اۋدانى ىنتىماق اۋىلىنىڭ تۇرعاندارىنىڭ اراسىنداعى قاقتىعىس ىرىقتاندىرىلىپ, تىنىشتىق قالپىنا كەلتىرىلدى. بۇل تۋرالى قازتاگ ءتىلشىسى حابارلادى.
پوليتسەيلەر سارىاعاشتاعى جاعدايدىڭ تىنىشتالعانىن جەتكىزىپ وتىر. «ءۇش كۇن بۇرىن ىنتىماق اۋلىندا پىشاقتان العان جاراقاتتان سالىق كوميتەتىنىڭ قىزمەتكەرى قازا تاپتى. ول وسى اۋىلدىڭ تۇرعىندارىمەن جانجالداسىپ قالعان ەكەن. قازا تابۋشى جىگىتتىڭ تۋىستارى ونى جەرلەگەننەن كەيىن, 4 اقپاندا ءتۇس اۋا كوشەدە وتكەن جيىندا بۇعان ايىپتىنى جازالاۋدى تالاپ ەتە باستادى. ستيحيالىق جينالىسقا قاتىسقاندار شامامەن ساعات 17.00-تە جولاي ۇيلەردى, ساۋدا نۇكتەلەرى مەن اۆتوموبيلدەردى ورتەۋگە كوشتى, قاقتىعىس كەزىندە ادامدار زارداپ شەكتىا, - دەدى اۋىل تۇرعىندارى كەشەگى بەيسەنبى كۇننىڭ كەشىندە.
باسقا دا دەرەك كوزدەرىنەن بەلگىلى بولعانداي, ىنتىماق اۋلىنا اۋداندىق ىشكى ىستەر ءبولىمىنىڭ قىزمەتكەرلەرى كەلگەن, ارنايى ماقساتتاعى كۇشتەر مەن ءجااج (سوبر) ەنگىزىلگەن. ەلەكتر جارىعى مەن ينتەرنەت ءوشىرىلىپ, ۇيالى بايلانىستىڭ جۇمىسى ۇزىلگەن. قازتاگ اگەنتتىگىنە قازاقستان ىشكى ىستەر مينيسترلىگى قوعامدىق كەڭەسىنىڭ مۇشەسى سەيتقازى ماتاەۆ ءمالىم ەتكەندەي, «سارىاعاش اۋدانىندا شيەلەنىس ورىن الدى».
«وڭتۇستىك قازاقستان وبلىسىنىڭ اكىمى اسقار مىرزاحمەتوۆ باستاعان جەرگىلىكتى بيلىك اۋىلعا كەلىپ, شيەلەنىستى ىرىقتاندىرۋدا جەدەل شارالار قابىلدادى, اۋىل اقساقالدارىمەن ءتۇسىندىرۋ جۇمىستارىن جۇرگىزدى. قۇقىق قورعاۋ ورگاندارى تەكسەرۋ باستادى», - دەدى ماتاەۆ.
استانادان جۇما كۇنى تۇسكە دەيىن مينيسترلىك باسشىلىعى وسى قاقتىعىسقا قاتىستى رەسمي تۇسىنىكتەمە بەرەدى دەپ ءمالىم ەتتى.
قۇرىش نۇرىمبەت.
دەرەك, فوتو: قازتاگ.