اتىراۋ. 2 مامىر. ەلباسى نۇرسۇلتان نازارباەۆتىڭ جارلىعىمەن جەڭىستىڭ 70 جىلدىعى قارساڭىندا اتىراۋلىق سوعىس جانە ەڭبەك ارداگەرلەرىنىڭ ءبىر توبىنا مەملەكەتتىك ناگرادالار تابىستالدى بۇل تۋرالى egemen.kz ءتىلشىسى حابارلادى.
جارلىق ماتىنىندە ايتىلعانداي, مەملەكەتكە سىڭىرگەن ەڭبەگى, بەلسەندى قوعامدىق قىزمەتى ءۇشىن «قۇرمەت» وردەنىمەن سوعىس ارداگەرى تايىر عۇماروۆ, ءابدىراحمان ەلەۋباەۆ, ەسپول وڭايباەۆ, «ەرەن ەڭبەگى ءۇشىن» مەدالىمەن سوعىس ارداگەرى اننا زاحاروۆا, الىبەك ءتۇسۇبالى, ەڭبەك ارداگەرى قايلاش قاجيدەنوۆا, قازاقستان رەسپۋبليكاسىنىڭ قۇرمەت گراموتاسىمەن ەڭبەك ارداگەرى جولجان قابدەش جانە سوعىس ارداگەرى نيكولاي پانوۆ ماراپاتتالدى.
ارداگەرلەرگە مەملەكەتتىك ناگرادالاردى وبلىس باسشىسى باقتىقوجا ىزمۇحامبەتوۆ تابىستادى.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.